د خېبرپښتونخوا ګورنرفيصل کريم کنډي سره د امريکې ناظم الامور نيټلي بېکر اسلام آبادکښې ملاقات کړې،په دې موقع خېبر پښتونخوا کښې د معدنياتو، سيلګرۍ، توانائۍ ، صحت او تعليم شعبو په اړه تفصيلي خبرې شوي، ګورنر په پيښور کښې د امريکې قونصيلټ بنديز باندې د تشویش اظهار هم کړې، او وئيلی دي چې صوبې سره ډائرکټ د وفود تبادلې او سرمايه کارۍ لپاره ضروري ده چې دامريکي قونصل خانه پيښور کښې فعال وي ۔
اسلام آباد: د خېبر پښتونخوا ګورنر فيصل کريم کنډي سره اسلام آباد کښې تعينات د امريکې ناظم الامور نيټلي بېکر ملاقات کړېد ې ۔
دواړو مشرانو ترمينځ ملاقات دوران په خېبر پښتونخوا کښې د معدنياتو، سيلګرۍ، توانائۍ، صحت او تعليم په اړه تفصيلي خبرې اترې شوي دي ۔
په دې موقع قبائيلي ضلعو او د خېبر پښتونخوا ځوانانو لپاره د تعليمي سکالرشپس او د پاکستان او امريکې ترمنځ د دوها ړخيزه پرمختګ او همکارۍ هم خبرې شوي دي ۔
ګورنر فيصل کريم کنډي اووئيل چې خېبر پښتونخوا د قيمتي او نايابه معدني وسائلو نه مالامال صوبه ده او امريکائي وفود ته بلنه ورکوم چې د معدنياتو، سيلګرۍ، توانائۍ او صحت په برخو کښې سرمايه کارۍ اوکړي ۔
په دغه ملاقات کښې د صوبې د امنيت په صورتحال، د ځوانانو مهارتونو ته نوره وده ورکولو باندې هم د خيالاتو بدلون شوې دې ۔
د امريکې ناظم الامور نټلي بېکر د خېبر پښتونخوا ځوانانو ته جديد مهارتونو کښې په مرستو کښې دلچسپي څرګنده کړې او د ګلګت بلتستان په انتخاباتو کښې ګټه ترلاسه کولو باندې ئې ګورنر فيصل کريم کنډي ته اومبارکي هم ورکړې ده ۔
