آئي سي سي د کرکټ قوانين کښې د لوئې تبديلۍ منظوري ورکړې ده، بهارت کښې شوې اهم اجلاس کښې د کرکټ قوانين، ويمن کرکټ او کرکټ کينيډا په حواله اهمې فيصلې شوي، او منظوري ئې هم ورکړې شويده، اعلاميې ترمخه دوه زره اتۀ ويشتم کښې د ويمن ورلډ کپ کوربه ټيم لپاره د پاکستان منظوري ورکړې شوې ۔
بهارتي ښار احمد آباد کښې شوې د انټرنيشنل کرکټ کونسل اهم اجلاس وروستو جاري شوې اعلاميه کښې وئيلي شوي چې آئي سي سي بورډ د د چيف ايګزيکټيو کميټۍ د يو شمير سفارشاتو منظوري ورکړېده ۔
اعلاميې ترمخه ټيسټ ميچز کښې د دواړو ټيمونو رضامندۍ نه پس د ګلابي بال د استعمال آزمائشي بنيادونو باندې منظوري ورکړې شويده ۔
آئي سي سي وئيلي چې اجلاس کښې د ګلابي بال استعمال منظوري د کمې رڼا لوجې لوبه زياته نه زياته ممکنه جوړولو لپاره ورکړې شوې ۔
اعلاميې ترمخه دوه زره اتۀ ويشتم کښې د ويمن ورلډ کپ کوربه ټيم لپاره د پاکستان منظوري ورکړې شوې، د پاکستان او بهارت ميچز به نورو ملکونو کښې کولې شي ۔
دغه شان ټي ټوينټي کرکټ کښې اننګز دوران وقفه پنځلس منټ کړې شوې ، چيمپيئنز ټرافي به راتلونکي کال دوران جون او جولائۍ په ځائې فرورۍ کښې منعقد کيږي ، اجلاس کښې د نورو اهمو فيصلو منظوري هم ورکړې شوې ۔
