جرمني او ايران نه پس ترکيه کښې هم د غير قانوني افغان مهاجرينو خلاف کريک ډاون کښې تيزي راغلې او د افغان کډوالو د نيولو لړۍ هم شروع کړې شوې ده ، ترکيه پوليس شرناق او بايبرت کښې غير قانوني ميشته افغانانو خلاف کاروائي کړې ، دغه دوران پينځلس افغان مهاجر او شپږ انساني سمګلران نيولي شوېدي ، ترکيه روان کال ديارلس زره، پينځه سوه افغان پناه ګزين نيولي او دغه کډوال ئې د ملک نه شړلې دي ۔
افغان نشرياتي ادارې افغانستان انټرنيشل رپورټ ترمخه غير قانوني کډوالو خلاف د نړۍ مختلفو ملکونو کښې کاروائيانو کښې تيزي راغلې او دغه لړۍ د جرمني او ايران نهپ پس اوس ترکيه کښې هم شروع شويده ۔
رپورټ مطابق ترکيه پوليس شرناق او بايبرت کښې غير قانوني ميشتۀ افغان کډوالو خلاف کاروائي کړې ، چې پکښې پينځلس افغان مهاجر او شپږ انساني سمګلران نيولي شوې دي ۔
رپورټ کښې وئيلي شوي چې بايبرت کښې د انساني سمګلنګ نيټ ورک درې افغان غړي نيولي شوي او يو په عدالتي حکم جيل ته منتقل کړې شوې دي ۔
ترک چارواکو حراست کښې اخستې شوي ټول افغان کډوال ملک بدرۍ لپاره مرکزونو ته منتقل کړي، او دوي به افغانستان ته واپس استولې کيږي ۔
بلخوا متحده قامونو وئيلي چې ترکيه د غير قانوني افغان مهاجرينو خلاف زيرو ټالرنس پاليسي خپله کړې او روان کال ديارلس زره، پينځه سوه افغان پناه ګزين نيولې شوي او د ترکيه نه شړلې شويدي ۔
