د وزيراعظم شهبازشريف مشرۍ کښې په کوئټه کښې د اپيکس کميټۍ اهمه غونډه شوې، اجلاس کښې د بلوچستان امنيت په معامله مختلف تجاويز باندې غور شوې او اهم فيصلې هم شويدي، بلخوا وزيراعظم کوئټه د کمانډ اينډ سټاف کالج دوره کړې، زير تربيت افسرانو ته ئې خطاب کړې او وئيلي دي چې ترهه ګرو خلاف آپريشن غضب للحق پورا قوت سره جاري دې ۔
کوئټه: وزيراعظم شهبازشريف د بلوچستان يو ورځنې دوره کړې، د اپيکس کميټۍ اجلاس مشرئ ئې کړې او کوئټه کښې ئې د کمانډ اينډ سټاف کالج دوره هم کړې او زير تربيت افسرانو ته ئې خطاب هم کړې دې ۔
اجلاس کښې وزيراعلیٰ سرفراز بګټي او چيف سيکرټري پشمول نوراعلیٰ چارواکو ګډون کړې، وزيراعظم ته د امن امان صورتحال او صوبه کښې جاري ترقياتي منصوبو باندې تفصيلي بريفنګ هم ورکړې شويدې ۔
کوئټه ته رسيدو باندې ګورنر بلوچستان شيخ جعفر مندوخيل او نورو چارواکو د وزيراعظم هرکلې کړې وو ۔
وزيراعظم شهبازشريف کوئټه کښې د کمانډ اينډ سټاف کالج دوره کړې، او په دې موقع ئې زير تربيت افسرانو ته خطاب کړې، وائي چې آپريشن غضب للحق خپل پورا طاقت سره جاري دې ۔
معرکه حق کښې پاک افواج د دښمن جارحيت ناکامه کړې،پاکستان دهرقسمه جارحيت ناکامه کولو مکمل صلاحيت لري،پاکستان به د کشمير او فلسطين حمايت جاري ساتي ۔
وزيراعظم دا هم وئيلي چې پاکستان به د خپل سلامتيا او علاقائي امن لپاره کوششونه جاري ساتي، وزيراعظم د پاک فوج پيشه ورانه صلاحيت ستائنه هم کړې ۔
