وزيراعظم په مشرې کښې د وفاقي کابيني اجلاس شوې، چې پکښې وزيراعظم د مشرق وسطې کښې روان کشيدګې کمولو لپاره د سفارتي کوششونو نه د کابيني ممبران خبر کړي، اعلاميه مطابق په ملکي کچ د ويکسين تيارې پاليسې منظوري ورکړې شوې، د ملک وړومبې نيشنل ايګريکلچر بائيو ټيکنالوجې پاليسي هم منظور کړې شوې، اجلاس دوران د نيپرا سالانه رپورټ او سټيټ آف انډسټري رپورټ هم پيش کړې شوې ۔
اسلام آباد: وزيراعظم شهبازشريف په مشرۍ کښې شوې د وفاقي کابينې اجلاس په ايجنډې موجود مختلف شعبه جاتي پاليسو منظوري ورکړې شوېده ۔
په دې حواله جاري کړې شوې اعلاميه مطابق اجلاس کښې په ملکي کچ د ويکسين تيارې پاليسې منظوري ورکړې شوېده، پاليسې مقصد د ويکسين په مد کښې درآمدات باندې انحصار کمول او زرمبادله بچت دې ۔
اعلاميه ترمخه د ملک وړومبې نيشنل ايګريکلچر بائيو ټيکنالوجې پاليسي هم منظور کړې شوېده، وفاقي کابينې د نيشنل سيډ پاليسې او نيشنل سکلز ډيويلپمنټ پاليسۍ هم منظوري ورکړيده ۔
وفاقي نظامات تعليم کښې يوميه اجرت والا ګريډ يو نه تر پنځلس استاذانو خدمات بطور وزيټنګ فيکلټي اخستو هم منظوري ورکړېده، اجلاس دوران د نيپرا سالانه رپورټ دوه زره پينځويشتم او اسټيټ آف انډسټري رپورټ دوه زره پينځۀ ويشتم هم پيش کړې شوېدې ۔
وفاقي کابينې ته د وزيراعظم خطاب: ۔
کابينې اجلاس ته وينا کښې وزيراعظم شهبازشريف وئيلي دي راتلونکې جمعې په ورځ به د پيټروليم مصنوعاتو قيمتونو يووارې بيا تعين کولې شي، په نړيوال منډې کښې د تيل قيمتونه آسمان سره خبرې کوي او دا وخت غيرمعمولي صورتحال پيدا شوېدې ۔
وزيراعظم وئيلي چې امريکه او ايران ترمينځ اسلام اباد کښې شوي مذاکراتو کښې پاکستان امن لپاره ډير مهم کردار ادا کړېدې، يوولسم او دولسم اپريل يوويشت ګهنټو پورې شوې نشست ، فيلډ مارشل ، وزير خارجه او محسن نقوي کوششونو سره جنګ بندۍ کښې توسيع ممکن شوې ۔
وزيراعظم دا هم اووئيل چې ايرانى وزير خارجه عباس عراقچي د پاکستان ، عمان او روس دورې کړي او خپل قيادت سره مشاورت نه پس به جواب راکوي ۔
وزيراعظم زياته کړې چې جنګ نه وړاندې د يو هفتې تيلو بل ديرش کروړه ډالر وو کوم چې اوس اتيا کروړه ډالرو ته رسيدلې
د دې هر څه باوجود پاکستان درې نيم اربه ډالرو بهرنې قرضې واپس کړىدي ۔
وزيراعظم معاشى چينلجونو مقابله کښې د سعودى عرب په مرسته د هغوى شکريه ادا کړې او د وزير پيټروليم على پرويزملک کوششونو ستائنه هم کړې، پبلک ټرانسپورټ او نورو شعبو کښې سبسډى جارى ساتلو لپاره مشاورت روان دې ، اجلاس کښي د پي آئي اے نجکارۍ عمل جائزه هم اخستې شوې ۔
