خېبرپښتونخواکښې د ترهه ګرۍ خاتمې لپاره اهم پرمختګ،پيښور کښې د صوبې مجموعي سيکورټي صورتحال جاج اخستو لپاره د اعلیٰ پائې غونډه شوې، اجلاس کښې فيصله شوې چې د وفاق او صوبې ترمينځ به د موثر رابطو په ذريعه د ترهه ګرۍ خاتمې لپاره يو شان پاليسي او موقف يقيني جوړولې شي، دې لړ کښې به مختلفوضلعوکښې مرحله وار امن په ځائې کولولپاره فوري ګامونه پورته کولې شي ۔
پيښور کورهيډکوارټر کښې د خېبر پښتونخوا مجموعي سيکورټي صورتحال جاج اخستو لپاره د اعلیٰ کچ غونډه شويده په کوم کښې چې وفاقي وزيرداخله محسن نقوي، وزير اعلیٰ محمدسهيل آفريدي، د قامي سلامتيا مشير او د کور کمانډر پشمول اعلیٰ سول او عسکري حکامو شرکت اوکړو ۔
د غونډې دوران د ترهه ګرۍ پيښو کښې د شهيد شوي عام خلقو او سيکورټي ادارو اهلکارو ته خراج تحسين وړاندې کړې شوې ۔
غونډه کښې فيصله اوکړے شوه چې ملاکنډ ډويژن کښې به د صوبائي حکومت نظم ونسق په پورې توګه د صوبائي پوليس او د نورو صوبائي ادارو زيرنګرانۍ د ماډل په طور نافذ کولې شي کوم چې به وروستو متاثره ضلعو او په خاص توګه خيبر، اورکزئي او کرم کې مرحله وار نافذ کولې شي ۔
غونډه کې فيصله شوې چې يادو ضلعو کښې به د شروع کيدونکو ټولو ترقياتي منصوبو موثره نګراني او د څه قسمه عسکري کاروايانو جاج اخستو لپاره د وزير اعلیٰ په مشرۍ کښې به د خصوصي ذيلي کميټي هم جوړولے شي، د کوم چې به هره مياشت غونډه کيږي ۔
دې کميټۍ کې به منتخب عوامي نمائندګان، کورکمانډر چيف سيکرټري، آئي جي پوليس او د صوبائي حکامو نه علاوه د وفاقي ادارو نمائندګان هم شامل وي ۔
