بنو کښې د بدامنۍ خلاف مشترکه جرګه شوې چې پکښې د سيمې امن لپاره اهم فيصلې شويدي،جرګې فيصله کړې چې سيمه کښې به امن لپاره کميټيانې او وسله وال لښکرونه جوړولي شي ۔
د بنو په ډوميل سيمه کښې د هاتهي خيل څلور واړو قامونو مشترکه جرګه کړې ، جرګه کښې د سيمې امن لپاره مهمې فيصلې شوي دي ۔
د جرګې فيصلې مطابق بغير د شناخت نه به څوک هم خپلو سيمو کښې نهۀ پريږدي، جرګې غوښتنه کړې چې پوليس دې سيمه کښې د معمول ګشت نور هم سيوا کړي او د غلطو خلقو مخه دې اونیسي ۔
جرګې وئيلي چې رياستي ادارو سره تعاؤن او د قانون بالا دستي به په هر څه نه مقدم ساتلي شي ۔
دې جرګې په مشترکه فيصله کښې وئيلي دي چې رياستي ادارو سره تعاون او د قانون بالا دستي به په د هر څه نه مقدم ساتلي شي ۔
د جرګې فيصلې مطابق پوليس نه هم په سيمه کښې خپل د معمول ګشتونه سيوا کولو غوښتنه شوې او حکومتي ادارې دې په سيمه کښې د امن لپاره فوري او فيصله کُن اقدامات پورته کړي ۔
د جرګې ګډون والو وئيلي چې پوليس دې د امن کميټۍ کسانو څخه وسله نۀ ضبط کوي او نۀ دې ګرفتاره کولي شي ۔
مشترکه جرګې وئيلي که په هاتهي خيل قام د کومې هم حمله اوشي نو دوي به ئې په کلکه جواب ورکوي، دې لړ کښې به د قبائلي رواياتو په نوم غلطي نشي معاف کولې ۔
