جسټس ريټائرډ يار محمد ناصر د ګلګت بلتستان نګران وزيراعلیٰ په حيث د خپلې څوکۍ حلف واخستو، د ګلګت بلتستان ګورنر سيد مهدي شاه د نګران وزيراعلیٰ نه حلف اخستې دې ۔
ګلګت: د ګلګت بلتستان نګران وزیراعلیٰ جسټس(ر) يار محمد ناصر د خپلې څوکې حلف اخستې دې، ګورنر هاؤس کښې شوې د حلف بردارۍ دستوره کښې ګورنر سيد مهدي شاه د نګران وزیراعلیٰ نه د هغۀ د عهدې حلف اخستې دې ۔
حلف بردارۍ دستوره کښې وفاقي وزير امور کشمير امير مقام، چيف جسټس رانا شميم، پخوانې وزیراعلیٰ حاجي ګلبر خان او نور متعلقه چارواکو او افسرانو شرکت کړيدې ۔
حلف اخستو نه پس نګران وزیراعلیٰ جسټس(ر) يار محمد ناصر ګلګت بلتستان کښې راتلونکي دوه مياشتو کښې دننه د انتخاباتو کولو اعلان کړېدې ۔
د يادونې وړ ده چې د پخواني وزیراعلیٰ ګلګت بلتستان حاجي ګلبر خان او د ګلګت کابينې په څليريشت نومبر خپل پنځه کلنه آئيني مدت پورا کړې وو ۔
