پاکستان کښې جاري د سه فريقي ټي ټوينټي سيريز پنځم ميچ کښې سري لنکاپه نهه وکټو زمبابوے ته شکست ورکړيدې، د زمبابوے يو سل، اووۀ څلويښت رنز هدف سري لنکا يو وکټ په زيان اوولسم اوور کښې پورا کړې او ميچ ئې ګټلې دې، سري لنکن اوپنر بېټر پتهوم نسانکا شاندار بيټنګ کړې او په اتۀ نوي رنز ناټ آؤټ پاتې کيدو سره د ميچ بهترين لوبغاړې ګرځولې شويدې ، د ايونټ شپږم ميچ کښې به د زيارت په ورځ د پاکستان او سري لنکا ترمينځ مقابله وي ۔
پنډۍ کرکټ سټيډيم کښې لوبيدلې د سه فريقي ټي توينټي سيريز پنځم ميچ کښې زمبابوے ټاس ګټلې وو او پخپله ئې اول د بيټنګ فيصله کړې وه ۔
زمبابوے مقرره اوورز کښې پنځه وکټو په زيان يو سل، شپږ څلويښت رنز جوړ کړي وو، چې پکښې ټولو نه زيات کپتان سکندر رضا په اووۀ ديرش رنز آؤټ شوې وو ۔
سري لنکا طرف نه هسارنګا او مهيش دوه، دوه وکټې په خپل نوم کړې وې ، سري لنکن بېټرز شاندار بيټنګ کړې او په يو وکټ ئې مقرره هدف پورا کيدو سره جاري ايونټ کښې اولنې ميچ ګټلې دې ۔
سر لنکا طرف نه اوپنر بېټر نسانکا شاندار بيټنګ سره په اتۀ نوي رنز ناټ آوټ پاتې شوې او د ميچ بهترين لوبغاړې ګرځولې شويدې ۔
د سري لنکا کوسال مينډس په پنځه ويشت رنز ناقابل شکست پاتې شوې او کامل مشرا په دولس رنز آؤت شوي دې ۔
د ايونټ يو بل اهم ميچ به د زيارت په ورځ د پاکستان او سري لنکا ترمينځ لوبيږي، که دا ميچ سري لنکا اوګټلو نو د خالي په ورح به ئې فائنل کښې پاکستان سره مقابله وي ۔
