د ايشز سيريز اولنې ټيسټ ميچ ګټلو باوجود آسټريليا کرکټ بورډ مشکلاتو سره مخ شوې، د انګلينډ خلاف لوبيدلې دغه ميچ صرف دوه ورځو کښې ختم شوې وو، چې لوجې به ئې اوس آسټريلوي بورډ ته مينه والو ته د دوه ورځو د ټکټونو پيسې واپس کول وي، د ټيسټ په اولنۍ ورځ يو لک نه زيات تاشائيانو دغه ميچ کتلې وو او د ميچ باقي ورځو لپاره هم د پرتهـ سټيډيم ټول ټکټونه خرڅ شوي وو ۔
پرتهـ سټيډيم کښې لوبيدلې د انګلينډ او آسټريليا ترمينځ د ايشز سيريز اولنې ټيسټ ميچ کوربه ټيم ګټلې ،ولې دغه کاميابي بيا هم آسټريليا کرکټ بورډ ته مشکلات جوړ کړېدي ۔
د ايشز سيريز دغه اولنيې ټيسټ د آسټريليا جارح مزاج بېټر ټريس هيډ شاندار او جارحانه سنچرۍ لوجې صرف دوه ورځو کښې ختم شوې وو ۔
رپورټونو ترمخه د ټيسټ ميچ په اولنۍ او دوئمه ورځ يو لک نه سيوا شائقينو په سټيډيم کښې ميچ کتلې وو او د باقي ورځو ټکټونوه هم خرڅ شوي وو ۔
رپورټس وائي چې آسټريلياکرکټ بورډ به اوس دغه اولني ټيسټ ميچ د دريمې او څلورمې ورځې ټکټونو پيسې شائقين ته واپس کوي، او د آخري ورځې لوبې ټکټونه په دغه ورځ خرڅيږي ۔
دغه مسئلې لوجې اوس آسټريلوي کرکټ بورډ خسارې سره مخ دې او مالي مشکلاتو کښې ئې نوره هم اضافه شوې، د کومې اظهار چې د بورډ سي اي او هم کړېدې ۔
بعضې رپورټس وائي چې دغي مالي نقصان خواؤشا درې ملين آسټريليو ډالر دې، په کوم چې د آسټريليا کرکټ بورډ چيف ايګزيکټيو هم د تشويش اظهار کړيدې ۔
