وزيراعلیٰ خېبرپښتونخوا سهيل آفريدي اووۀ ويشتم ترميم مخالفت کولو اعلان کړې او وئيلي دي چې دا آئيني تراميم د صوبو په خپلواکۍ ډاکه ده، صوبائي خودمختارۍ حملې به چرې هم نۀ برداشت کوؤ، سهيل آفريدي دا هم وئيلي چې پاکستان تحريک انصاف د جمهوريت او آئين محافظ پارټي ده، د جمهوريت کمزورې کولو ټول کوششونه به ناکامه کولي شي ۔
اسلام آباد کښې پارليمنټ هاؤس نه بهر ميډېا سره خبرو کښې د خيبر پښتونخوا وزيراعلیٰ اووئيل چې د پارليماني پارټۍ اجلاس کښې شرکت لپاره راغلې ووم، باني پي ټي آئي سره د ملاقات اجازت نۀ راکولو خلاف مې قرارداد جمع کولو ۔
سهيل آفريدي اووئيل چې کله وزيراعلیٰ منتخب شوې يم، نوهر چا ته مې درخواستونه ورکړل چې زما د پارټۍ چيئرمين سره ملاقات اوشي، عدالتونو هم حکم کړې ، ولې دوي د هيچا خبره نۀ مني او زما ملاقات نۀ کيږي ۔
هغه اووئيل چې اوس مې مناسب اوګنړل چې قرارداد جمع کړم، باني سره ملاقات ته به ورځم ، بائد زما ملاقات اوس اوکړي شي ۔
