د قطر امير شيخ تميم بن حمدالثاني راتلونکي کال کښې د پاکستان دوره کولو اعلان کړې او دپاکستان اوسعودي ترمنځ دفاعي معاهدې هرکلي ئې هم کړې، د قطر امير وئيلي چې پاکستان نړۍ کښې يو ځانګړې مقام لري ،د چا چې په يو وخت کښې د چين ، مغرب او خليجي ملکونو سره غوره تعلقات دي ۔
د قطر سرښار دوحه کښې صدر مملکت آصف علي زرداري د قطر امير شيخ تميم بن حمد الثاني سره اهم ليدۀ کاتۀ کړېدي
په دې موقع د قطر امير اعلان کړې چې هغه به راتلونکي کال کښې د پاکستان دوره کوي ۔
ملاقات پر مهال دواړو مشرانو ترمينځ دوه اړخيزه اړيکو او د منطقې په مجموعي صورتحال خبرې شويدي ۔
د قطر امير د پاکستاني کميونټي د کردار ستائنه کړې او خواهش ئې څرګند کړې چې هغه قطر کښې د پاکستانيانو تعداد کښې اضافه کول غواړي ۔
امير قطر د پاکستان او سعودي ترمينځ دفاعي لوظنامې هم تعريف کړې او وئيلي دي د پاکستان يو جدا حيثيت لري، په يو وخت چين، مغربي ملکونو او عرب ملکونو سره اړيکې په ښۀ ډول روانې دي ۔
په دې موقع صدر آصف زرداري دوحه مذاکراتو کښې د قطر کردار او د پاکستان او افغانستان ترمينح شخړه ختمولو کښې د قطر کوششونو ستائنه هم کړې ۔
صدر زرداري په دې موقع د قطر امير ته د پاکستان دورې بلنه هم ورکړې کومه چې هغه منظوره کړې، د قطر امير وئيلي چې هغه راتلونکي کال کېښ د پاکستان دوره کوي ۔
