د افغان طالبانو مرکزي وياند ذبيح الله مجاهد خېبر نيوز سره په مرکه د دفاع وزير او وزارت اطلاعات ردعمل ، خواجه آصف وئيلي چې د پاکستان سياسي او عسکري قيادت ترمينځ مکمل يو والې دې ، افغانستان په اړه قامي پاليسۍ باندې اتفاق لري، بلخوا اطلاعاتو وزارت د ذبيح الله مجاهد استنبول مذاکراتو کښې د پاکستان لخوا ترهه ګرو ملک بدر کولو نه انکار دعوې په سختۍ سره رد کړيدي ۔
دوه ورځې وړاندې د خېبر نيوز پروګرام مکالمه کښې د ذبيح الله مجاهد په مرکه د پاکستاني چارواکو سخت ردعمل مخې ته راغلې دې ، دفاع وزير خواجه آصف وئيلي چې دروغو بيانونو سره حقائق نشي بدليدې ، اعتماد په عملي ګامونو بحال کيدې شي ۔
خواجه آصف زياته کړې چې افغان طالبان د بهارتي پراکسيز په ذريعه ترهه ګرۍ کښې ککړ دي ، طالبانو حکومت د عدم استحکام ښکار دې ، افغان طالبانو څلور کاله وروستو هم خپلې وعدې پوره نکړې ، دوي د بهرني عناصرو په ايجنډه کار کوي ۔
بلخوا وزارت اطلاعات په ايکس بيان جاري کړې چې د افغان طالبانو استنبول مذاکراتو په اړه بيان ګمراه کن او د حقائقو خلاف دې ۔
اطلاعاتو وزارت زياته کړې چې د مذاکراتو دوران پاکستان په صفا ټکو کښې د افغانستان په خاوره د موجود ترهه ګرو ګرفتاري او پاکستان ته د سپارلو غوښتنه کړې وه ، کۀ افغانستان سنجيده وي نو د ترهه ګرو حواله کول دې په سرحدي اينټري پوائنټس ممکن جوړ کړي ۔
د اطلاعاتو وزارت ترجمان په ډاګه کړې چې پاکستان خلاف غلط بياني او حقائق مسخ کولو کوشش ناقابل قبول دې ۔
