د افغان طالبانو عبوري حکومت وياند ذبيح الله مجاهد وئيلي دي چې طالبانو امير شيخ هِبت الله اخونزاده افغان خاوره د يو هيواد خلاف هم نۀ استعمالولو سخت تاکيد کړې ، کۀ پاکستان د ترهه ګرو ځايونه اوښائي نو کاروائي به کوؤ ، ذبيح الله مجاهد مطابق د سرحدونو بندولو څۀ جواز نيشته ، دواړه هيوادونه دې خپلو مسئلو ته پام لرنه اوکړي ، د پاکستان موجوده حکومت ګامونو سره اختلاف لرو ، په هيڅ صورت کښې د پاکستان سره جنګ نۀ غواړو ۔
اسلام آباد: خيبر نيوز پروګرام ”مکالمه“ کښې کوربه رشيد صافي او سیف الله خان سره خصوصي خبرو پرمهال افغان طالبانو حکومت مرکزي وياند ذبيح الله مجاهد په ډاګه کړې چې افغان خاوره به د چا خلاف هم نۀ استعماليږي ۔
هغۀ اووئيل چې افغان خاوره د نور ملکونو خلاف استعامليدو په اړه شيخ هِبت الله اخونزاده واضحه احکامات ورکړي ، د شيخ صيب باقاعده حکم دې چې يوې ډلې ته هم د وسلې اوچتولو اختيار نيشته ۔
ذبيح الله مجاهد افغانستان کښې د ترهه ګرو موجودګۍ نه انکار کړې او زياته کړې ئې ده کۀ پاکستان معلومات راکړي او افغان زمکه باندې موجود ترهه ګرو نشاندهي اوکړي نو دغه ترهه ګرو خلاف به سخته کاروائي کولې شي ۔
ذبيح الله مجاهد اووئيل چې دواړه هيوادونو دې خپلو مسئلو ته پام لرنه اوکړي ، تجارت د جنګ سره نۀ دي تړل پکار ، سرحدونه بندول مناسب نۀ دي ۔
هغه اووئيل چې مونږ پاکستان پشمول ټول ملکونو سره غوره اړېکې ساتل غواړو، بهارت سره سفارتي اړيکو اثرات به په پاکستان چرې هم نۀ پريوځي او مونږ نۀ غواړو چې بهارت سره زمونږ سفارتي اړيکو لوجې پاکستان سره د افغانستان تعلقات خراب شي ۔
مجاهد دا هم اووئيل چې بهارت په افغانستان کښې خپل سفارت بيرته کولاؤ کړې، په دې معامله پاکستان تي تشويش بالکل نۀ دې پکار ۔
ذبيح الله مجاهد مخکښې اووئيل چې د دواړو ملکونو اولس يوبل سره وروڼه دي او مونږ ته به د وروڼو پشان اوسيدل وي ، پولې بندول مناسب خبره نۀ ده ۔
د افغان حکومت وياند اووئيل چې پاکستان کښې د آپريشن ضرب عضب متاثرين نن هم افغانستان کښې موجود دي، مونږ په يو صورت کښې هم پاکستان سره جنګ نۀ غواړو ۔
هغه زياته کړې چې دواړو ملکونو ته خپلو ستونزو باندې توجه ورکول پکار دي، مونږ چرې هم اول کاروائي نۀ ده کړې بلکه هميشه مو ردعمل ښودلې دې ۔
