د اطلاعاتو وفاقي وزير عطا تارړ طمع څرګند کړې چې استنبول کښي د پاکستان او افغانستان ترمينځ شوې مذاکراتو نه پس به اوس د ترهه ګرۍ کاروائيانې نۀ کيږي ، جنګ بندۍ خلاف ورزي کونکي فريق په ضد د سزا تعين کولې شي ۔
استنبول کښې شوې مذاکراتو مشترکه اعلاميه باندې خپل ردعمل کښې وفاقي وزير عطا تارړ وئيلي دي چې د قطر او ترکي په مرسته دوباره مذاکرات شروع شوي ، دوست ملکونو ته پاکستان د قدر په سترګه ګوري ۔
اطلاعاتو وزير زياته کړې چې افغان طالبان به اوس يقيني کوي چې ترهه ګرۍ کاروائيانې بند شي ، جنګ بندۍ کښې د افغان طالبانو لخوا د پاکستان مخالف ترهه ګرو پر ضد ايکشن هم شامل دې ۔
وفاقي وزير عطا تارړ وئيلي چې پاکستان ته اوس داسې فورم ميلاؤ شوې چرته چې به د ترهه ګرۍ ثبوتونه وړاندې کولې شي ۔
اطلاعاتو وفاقي وزير د پاک افغان بارډر کولاؤلو په اړه وئيلي چې د پولو پرانستو په اړه به وروستو فيصله کولې شي ۔
