د پاکستان او افغان طالبانو وفد ترمينځ استنبول کښې بيا مذاکراتو امکان، قطر لپاره د طالبانو د حکومت سفير سهيل شاهين هم مذاکراتي عمل بيا شورو کيدو اشاره ورکړيده،د مذاکراتو وروستو اعلاميه هم جاري کيدو امکان دے،سرکاري ذرائع وائي چې د ترکيه حکومت په درخواست پاکستاني وفد ملک ته واپسې ځنډولې ده او نن بيا مذاکرات کيږي ۔
ذرائعو ترمخه پاکستان د ميزبان ملک ترکي په درخواست افغان طالبانو سره مذاکرات په بيا شروع کولو رضامندي ښودلې ، سرکاري ذرائع زياتوي چې استنبول کښې پاکستاني وفد مذاکراتو ناکامي وروستو نن واپسي کوله ولې د ميزبان په درخواست طالبانو سره خبرو اترو لپاره به اوس نور قيام کوي ۔
ذرائعو ترمخه مذاکراتو مرکزي نقطه به دا وي چې افغان طالبان دې د ترهه ګرو خلاف واضحه ، قابل تصديق او منظم کاروائي اوکړي ، افغان خاوره دې د پاکستان خلاف د ترهه ګرۍ لپاره استعمال نشي ۔
افغان طالبانو سرچينو زياته کړې چي امکان دې د ننني ناستې وروستو يوه اعلاميه هم جاري شوي ، د قطر دوحه ښار کښې د مذاکراتو وروستو ترکي ښار استنبول کښې په پينځه ويشتم اکتوبر د خبرو اترو دويم پړاؤ شروع شوې وو ، څلور ورځې د غه مذاکرات شوي وو ولې نتيجه خيز نۀ وو ثابت شوي ۔
تيره ورځ د پاکستان اطلاعاتو وزير عطا تارړ بيان ورکړې وو چې د استبول مذاکرات ناکامه شوي ، هغۀ زياته کړې وه چې افغان طالبانو چارواکي د خپلې خاورې نه د ترهه ګرۍ قابو کولو په اړه تحريري معاهدې نۀ پشا کيږي ۔
د طالبانو سفير او قطر سياسي دفتر سربراه سهيل شاهين د پاکستان اطلاعاتو وزير د بيان په ردعمل کښي وئيلي وو چې کيديشي مذاکرات ناکامه شوي وي ولې د خبرو اترو يو بل پړاؤ پکار دې ۔
سهيل شاهين زياته کړې وه چې په يو دريو ناستو کښې په داسي قسمه صورتحال کښې معاهده نۀ کيږي ۔
