د کرک په درشه خيل علاقه کښې د ترهه ګرو خلاف سيکيورټي فورسز کامياب عمليات کړېدي ، ضلعي پوليس مشر شهباز الٰهي وئيلي چې عملياتو دوران اوولس ترهه ګر وژلي شويدي،شرخوښو سره ډزو تبادله کښې درې اهلکار ژوبل شوي هم دي،د کرک ډپټي کمشنر علاقه کښې کرفيو نافذ کړې ،د ترهه ګرو خلاف ټارګټډ آپريشن جاري دې ۔
د کرکر ډي پي او شهباز الٰهي د کرک د شاه سليم تاڼې په حدودو کښې د درشہ خېل په سیمه کښې امنیتي ځواکونو او پولیسو ګډ عملیات ترسره کړي دي ۔
ډي پي او مطابق د عملیاتو پر مهال وسله والو په امنيتي ځواکونو ډزې کړي، چې په جواب کښې پرې امنیتي ځواکونو سخت جواب ورکړې او اوولس ترهه ګر ئې وژلي دي ۔
د کرک د پولیسو مشر شهباز الٰهي په وینا درې امنیتي اهلکار ژوبل شوي هم دي، عملياتو نه پس سیمه کښې لټوني عمل لا هم دوام لري ۔
پولیس وائي چې هیچا ته به اجازه ورنکړل شي چې د سیمې امن خراب کړي او ترهه ګر به خپل انجام ته رسولې شي ۔
په سیمه کښې کرفیو لګولې شوې او په خلقو غږ شوې چې په خپلو کورونو کښې دننه اوسيدل يقيني کړي ۔
