پاکستان د بهارت خلاف جنګ ګټلې دې، د بهارت سره جامع او نتيجه خيز خبرو ته تيار يو، د وزيراعظم شهبازشريف د متحده قامونو جنرل اسمبلۍ اجلاس ته وينا، وئيلي دي چې پاکستان د ترهه ګرۍ سره مخ دې، افغان حکومت دې خپله خاوره د بل ملک خلاف نۀ استعمالول باوري کړي، شهبازشريف غزه کښې د فوري جنګ بندۍ مطالبه هم کړې او وئيلي دي چې اسرائيل د فلسطيينانو نسل کشي کوي، وزيراعظم مطابق پاکستان د موسمياتي تبديلۍ نه د ټولو زيات متاثره ملک دې، حالانکه موسمياتي تبديلۍ کښې د پاکستان برخه يو فيصد نه هم کمه ده ۔
نيويارک: وزيراعظم شهبازشريف د اقوام متحده جنرل اسمبلۍ اتيايم اجلاس ته خطاب کړې، شهبازشريف د خپل خطاب شروعات د تلاوت کلام پاک نه کړېدي ۔
وزيراعظم اووئيل چې په عالمي سطح تنازعاتو شدت خپل کړې، انساني بحران کښې اضافه روانه ده، روان کال مئي کښې پاکستان په خپل مشرقي سرحد د جارحيت سره مخ شوې وو ۔
وزيراعظ اووئيل چې بهارت د پهلګام حملې غير جانبدارانه تحقيقاتو پيشکش قبلولو بغير زمونږ په ښارونو حملې کړي وې، ولې پاکستان د فيلډ مارشل عاصم منير او ائيرچيف مارشل ظهير احمد بابر په مشرۍ کښې د دشمن مقابله اوکړه او د بهارت اووۀ جهازونه ئې راوغورځول،او جنګ ئې اوګټلو ۔
وزيراعظم شهبازشريف د صدر ټرمپ قيام امن کوششونو ستائنه کړې او يوځل بيا ئې د هغۀ نوم امن نوبل انعام لپاره نامزد کولو مطالبه کړيده ۔
شهبازشريف اووئيل چې سندھ طاس معاهده يکطرفه او په غيرقانوني توګه باندې معطل کولو کوشش نه صرف د معاهدې شقونو خلاف ده، بلکه د بين الاقوامي قوانين خلاف ورزي هم ده ۔
شهبازشريف اووئيل چې پاکستان د کشميريانو سره ولاړ دےې، مونږ په خطه کښې امن غواړو او بهارت سره جامع او نتيجه خيز مذاکرات لپاره تيار يو ۔
خپل خطاب دوران وزيراعظم د غزه متعلق اووئيل چې تير اتيا کالو نه فلسطيني اولس د اسرائيلي ظلم ښکار دي، غزه کښې اسرائيلي فوج فلسطيني زنانه او ماشومان وژني ، پاکستان په غزه کښې فوري جنګ بندي غواړي، او د آزاد او خودمختار فلسطيني رياست قيام حمايت کوؤ ۔
وزيراعظم په قطر د اسرائيلي حملو مذمت هم کړے او وئيلي دي چې پاکستان د خپل قطري وروڼو سره ولاړ دې ۔
وزيراعظم شهبازشريف جنرل اسمبلۍ ته خطاب دوران وينا وه چې د ترهه ګرۍ خلاف جنګ کښې د پاکستان د قربانو اعتراف کول پکار دي، پاکستان د ترهه ګرو په وړاندې يو ديوال جوړ شوې او نړۍ د ترهه ګرۍ نه بچ کوي ۔
د وزيراعظم وينا وه چې پاکستان نن د کالعدم ټي ټي پي، فتنه الخوارج، فتنه الهندوستان، بي ايل اے او مجيد بريګيډ حملو سره مخ دے ۔
شهبازشريف اووئيل چې پاکستان پرامن افغانستان غواړي، افغان حکومت دې انساني او زنانؤ حقوق احترام اوکړي، او دا دې باوري کړي چې د افغانستان خاوره به د يو ملک خلاف هم ترهه ګر نه استعمالوي ۔
وزيراعظم زياته کړه چې کال دوه زره دوه ويشتم دوران پاکستان کښې بدترين سيلاب راغلې وو، روان کال هم د سيلابونو لوجې زر نه سيوا کسان مړۀ شوي، په زرګونو کورونه تباه شوي، فصلونو ته زيان رسيدلې، دغه سيلابونو د موسمياتي تبديلۍ لوجې راغلي دي، حالانکه کلائيميټ چينج کښې د پاکستان برخه يو فيصد نه هم کمه ده ۔
وزيراعظم مخکښې اووئيل چې د سيلاب نقصاناتو ورستو بيا مونږ ته اووئيلې شي چې قرضه واخلۍ، او په هغې سود ورکړۍ، کوم چې ناانصاني او ناجائزه خبره ده ، څنګه د يو ترقي پذير ملک نه دا توقع کيديشي چې د قرضې اخستو سره به د هغه معيشت مضبوط شي ۔
