د پاکستان تحريک انصاف اعلىٰ قيادت په پنځم اګست داحتجاج پلان ته حتمي شکل ورکړې ،او اډياله جيل نه بهر ئې د احتجاج فيصله کړې، بلخوا پنډۍ کښې ضلعي انتظاميې څلورم نه تر لسم اګست پورې دفعه يوسل څلور څلويښت نافذ کړې ۔
ذرائعو وئيلي چې پي ټي آئي د قامى اسمبلۍ اراکين اوسينيټران اسلام آباد ته طلب کړي،او فيصله ئې کړې چې احتجاج به د تحريک تحفظ آئين پاکستان دپليټ فارم څخه کولې شي ۔
ذرائعو دا هم وئيلي چې د احتجاج ټوله نګراني به دپارټۍ سيکرټري جنر ل سلمان اکرم راجه کوي، دې لړ کښې د ټولو صوبو پارټۍ مشرانو ته خصوصې هدايات هم جاري کړې شويدي ۔
د پي ټي آئي ممکنه احتجاج په وړاندې پنډۍ کښې ضلعي انتظاميې څلورم نه تر لسم اګست پورې دفعه يوسل څلور څلويښت نافذ کړې ۔
دې لړ کښې جاري نوټي فکيشن مطابق پنډۍ کښې به سياسي اجتماع، ريلي او جلوسونو باندې مکمل بنديز وي، دې دوران به د موټرسائيکل ډبل سورلۍ باندې هم بنديز وي ۔
