د سوات بارړئۍ علاقه کښې د ترهه ګرو خلاف د سي ټي ډي اهلکارو کاروائي، درې ترهه ګر وژلي شويدي،وژلي شوي ترهه ګرو کښې د يو تعلق د افغانستان سره وو،پوليس ترمخه شرخوښو علاقه کښې د ترهه ګرۍ لويه منصوبه تياره کړې وه ۔
سوات: د ترهه ګرۍ مخنيوي محکمې له لوري جاري بيان مطابق د بريکوټ برړئي سيمه کښې سي ټي ډې سوات او ضلعي پوليس مشترکه کاروائي کړې، چې پکښې درې ترهه ګر وژلي شويدي ۔
سي ټي ډي وئيلي چې وژلي شوي ترهه ګرو کښې د سوات اوسيدونکې اجمل معرف وقاص او شانګله اوسيدونکې مطيع الله عرف اسحاق /جنيد شامل دي ۔
اعلاميه کښې وئيلي شوي چې د وژلي شوي دريم ترهه ګر شناخت رحيم الله عرف روح الله په نوم شوې او تعلق ئې د افغانستان نورستان علاقې سره وو ۔
سي ټي ډې وئيلي چې وژلې شوې ترهه ګر اجمل نهه سنګين مقدماتو کښې سيکيورټي ادارو ته مطلوب وو، دغه ترهه ګر يو شمير پيښو کښې ککړ وو ۔
اعلاميه کښې وئيلي شوي چې وژلي شوي ترهه ګر د کالعدم تحريک طالبان پاکستان سره وو او دوي په سيکيورټي ادارو آئي اي ډي حملو او پوليس اهلکارانو باندې هم حملو کښې ککړ وو ۔
سي ټي ډې وئيلي چې ابتدائي پلټنو کښې معلومه شوې چې وژلي شوي ترهه ګر غير ملکيانو سره رابطو او بهر ملکونو نه فنډنګ په اړه هم شواهد مخې ته راغلي دي ۔
