وفاقي حکومت راتلنوکي پنځلس ورځو لپاره د پټرول قيمت کښې اضافه کړې او د ډيزلو او نور پټروليم مصنوعاتو نرخ ئې برقرار ساتلې دې ۔
د خزانې وزارت طرف نه جاري شوې نوټفکيشن کښې وئيلي شوي چې د پټرول قيمت کښې لټر په سر يو روپې اضافه شوې ،ولې د نورو تيلو نرخ کښې هيڅ اضافه نۀ ده شوې ۔
اعلاميې مطابق د آئل اينډ ګيس ريګوليټري اتهارټي يعنې اوګرا او نورو متعلقه ادارو په تجاويز د تيلو قيمتونو کښې د ردوبدل فيصله شوې ده ۔
نوټي فکيشن کښې مخکښې وئيلي شوي چې د پټرول د نوې قيمت اطلاق به د يکم جون څخه کيږي او دا به راتلونکي پنځلس ورځو پورې نافذالعمل وي ۔
نوټي فکيشن ترمخه د يوې روپې اضافې نه پس د پټرول نرخ دوه سوه، دري پنځوس روپې او دري شپيتۀ پيسې ته رسيدلې دې ۔
حکومتي اعلاميې مطابق د ډيزلو نرخ کښې هيڅ ردو بدل نۀ دې شوې او د دې قيمت دوه سوه، څلور پنځوس پيسې او څلور شپيتۀ روپې برقرار دې ۔
