د خېبرپښتونخوا وزيراعلیٰ سهيل آفريدي د ډرون حملو مخنيوي لپاره د عملي اقدامات پورته کولو اعلان کړې او وئيلي دي چې لويه جرګه کښې دد مختصر جرګې جوړولو فيصله شوې، کومه به چې وفاقي حکومت او نور متعلقه سټيک هولډر سره مذاکرات کوي، د مذاکراتو ناکامۍ صورت کښې به اسلام آباد په لور مارچ کولې شي، او د امن بحالۍ پورې به واپسي نۀ کوؤ، سهيل آفريدي دا هم وئيلي چې صوبائي حکومت د کومو ترهه ګرو فهرست غوښتې، هغه اوسه پورې نۀ دې ميلاؤ شوې ۔
پيښور وزيراعلیٰ هاوس کښې د وزيراعلیٰ سهيل آفريدي په مشرۍ کښې د قبائيلي مشرانو لويه جرګه شويده، دا جرګه د ډرون حملو او صوبه کښې دمسلسل بدامنۍ خلاف وزيراعلیٰ طلب کړې وه ۔
جرګه کښې قبائيلي اضلاع کښې د امن وامان صورتحال باندې تفصيلي غور شوې دې، د مسلسل ډرون حملو په نتيجه کښې په حاني او مالي زيان د جرګې شرکا د سخت تشويش اظهار هم کړې دې ۔
قبائيلي لويه جرګه کښې د قبائيلي اضلاع منتخب نمائندګانو، مشرانو، سينيټرانو د اپوزيشن غړو، علمائے کرام او عمائدين شرکت کړې دې ۔
په دې موقع خپله وينا کښې د خېبرپښتونخوا وزيراعلیٰ سهيل آفريدي د ډرون حملو مخنيوي لپاره د عملي اقدامات پورته کولو اعلان کړې او وئيلي دي چې لويه جرګه کښې دد مختصر جرګې جوړولو فيصله شوې، کومه به چې وفاقي حکومت او نور متعلقه سټيک هولډر سره مذاکرات کوي ۔
سهيل آفريدي اووئيل چې د مذاکراتو ناکامۍ صورت کښې به اسلام آباد په لور مارچ کولې شي، او د امن بحالۍ پورې به واپسي نۀ کوؤ ۔
وزيراعلیٰ سهيل آفريدي دا هم وئيلي چې صوبائي حکومت د کومو ترهه ګرو فهرست غوښتې، هغه اوسه پورې نۀ دې ميلاؤ شوې ۔
