وزيراعظم شهبازشريف وئيلي دي چې د منطقې د امن او استحکام په خاطر مو د جنګ بندۍ تجويز منلې دې،چې څوک زمونږ خودداري چيلنج کړې نو بيا مونږ د فولادو پشان مضبوط ديوال جوړيږو،بهارتي رافيل طيارې د شاهينو مخې ته فيل شوي،دښمن سره مو هاغه کار کړې کوم چې يو باوقار قام سره ښۀ ښکاري،عزت،وقار او خود داري مونږ ته د خپل ځان نه هم خواږۀ دي ۔
د بهارتي جارحيت او وار په وار حملو نه پس د دښمن تکبر خاورو سره خاورې کولو نه پس قام ته خپل خطاب کښې وزيراعظم شهبازشريف وئيلي دي چې پهلګام حملې په ترڅ کښې بهارت په پاکستان جنګ مسلط کړې وو،په عامې آبادۍ او جوماتونو باندې حملو سره ئې زمونږ امتحان اخستې وو،د بهارتي رافيل طيارې د شاهينو مخې ته فيل شوې وې ۔
وزيراعظم اووئيل چې مونږ دښمن سره هاغه کړې کوم چې يو باوقار قام سره ښۀ ښکاري،د آرمي چيف دانشمندانه او دليرانه قيادت لوجې مونږ بهارتي ته په هر محاذ شکست ورکړېدې ۔
د وزيراعظم شهبازشريف وينا وه چې عزت، وقار او خودداري مونږ ته د خپل ځان نه هم خواږه دي ،په يو څو ګهنټو کښې د دښمن د وسلې ډپو د ښځلو ډهير او ايئر بيسز ئې کهنډراتو کښې بدل کړې شوي وو ۔
وزيراعظم اووئيل چې ټول قام خپل فوج سره لکه د غر کلک ولاړ دې ،شاهينو يو څو ګهنټو کښې د دښمن توپې په خاموشۍ مجبوره کړې وې ۔
وزيراعظم زياته کړې چې د يو ذمه دار رياست په توګه او د منطقې د امن په خاطر مو د ډز بندۍ تجويز تسليم کړېدې ، د جنګ بندۍ خصوصي او مخلصانه کوششونو باندې صدر ټرمپ شکريه هم ادا کړې ۔
وزيراعظم شهبازشريف اووئيل چې چين په هر مشکل وخت کښې د پاکستان ډيرې مرستې کړېدي،د چيني صدر هم د زړۀ د کومې شکريه ادا کوم ۔
وزيراعظم اووئيل چې د پاکستان سلامتيا ،عزت ،وقار باندې به چرې هم سمجهوته نۀ کوؤ،شاهينو زمونږ سر د فخر نه اوچت کړېدې ۔
وزيراعظم اووئيل چې کومې خبرې د مذاکراتو په ميز کيدې شوې، هغه مو ميدانِ جنګ کښې د دښمن په ژبه کښې جواب ورکولو فيصله کړې وه ،وزيراعظم د پاک فضائيه سربراه ايئر چيف، آرمي چيف او د پاک افواج ټولو شاهينو ته شاباسي هم ورکړې دې ۔
هغه زياته کړې چې تير څو ورځو کښې چې دښمن څه کړي ، هغه پاکستان خلاف کولاؤ جارحيت وو،الله پاک ټول قام ته عظيم کاميابي ورنصيب کړې ،شهيد ارتضیٰ عباس يو داسې غوټۍ وه چې ګل جوړېدو نه وړاندې مړاوې کړې شویدې ۔
وزيراعظم شهبازشريف دا هم اووئيل چې زمونږ عسکري طاقت ليدو سره ټوله دنيا حيرانه شويده، د دې بحران نه وتلو نه پس خپله توله توانائي د ملک او قام ترقۍ لپاره خرچ کوؤ ۔
وزيراعظم د صدر مملکت آصف زرداري د مدبرانه مشورو او د بهارتي ميډيا جعلي خبرونو مقابله کښې د پاکستاني صحافيانو او سوشل ميډيا صارفينو ذمه دارانه رپورټنګ ستائنه هم کړې او شکريه ئې هم ادا کړېده ۔
