د سوات پيښې په حواله د ملاکنډ ډويژن کمشنر تحقيقاتي رپورټ صوبائي انسپيکشن ټيم ته لېږلې دې ،رپورټ کښې سيلګري د پيښې ذمه وار ګرځولې شويدي ،رپورټ مطابق ټولو متعلقه ادارو ته وړاندې نه هنګامې ذمه وارۍ سپارلې شوې وې، دهنګامي حالاتو په تناظر کښې سيندونو کښې په لامبلو او کشتۍ چلولو وړاندې نه بنديز لګولې شوې وو ۔
تحقيقاتي رپورټ کښې وئيلي شوي چې ډپټي کمشنر، اے ډي سي، اسسټنټ کمشنر بابوزئۍ، خوازه خيله سوات معطل کړې شويدي، ډسټرکټ ايمرجنسي آفيسر سوات او تحصيل ميونسپل آفيسر سوات هم معطل کړې شويدي ۔
رپورټ ترمخه زيات باران لوجې سوات سيند کښې د اوبو سطح اووه اوويا زره، اووه سوه دوه اتيا کيوسک وه، او سيلاب کښې اوولس سيلګري انښتي وو، چې پکښې د لس سيلګرو تعلق سيالکوټ ، د شپږ مردان سره وو او يو سيلګرې مقامي وو ۔
تحقيقاتي رپورټ ترمخه سوات سيند کښې تعميراتي کارونو لوجې د اوبو رُخ بل اړخ ته کړې شوې وو، د اوبو رُخ بدلولو سره د پيښې ځائې کښې د اوبو سطح کمه شوې وه او سيلګري هلته تلي وو ۔
د پيښې په حواله رپورټ کښې مخکښې وئيلي شوي چې سيلګري خواؤشا اته نيمې بجې هوټل ته رسيدلي وو، بيا يوه ګهنټه پس سيند طرف ته تلي وو، د هوټل سيکيورټي اهلکارانو دغه سيلګري سيند ته تلو نه منع کړي هم وو، ولې هغوي د هوټل شا طرف نه سيند ته ورغلي وو، څوارلس منټه پس پوکم لس بجې سيند کښې د اوبو سطح سيوا کيدو باندې ريسکيو اهلکارانو ته ټيليفون شوې وو ۔
رپورټ مطابق متعلقه چارواکي شل منټه پس پنځه منټه د پاسه لس بجې د پيښې ځائې ته رسيدلي وو، د سيلاب خطرې په وړاندې ټولې متعلقه ادارې الرټ کړې شوې وې، او خراب موسم په اړه الرټس متعلقه ادارو ته موصول شوي وو ۔
رپورټ کښې وئيلي شوي چې ايمرجنسي صورت کښې د متعلقه افسرانو ډيوټيانې وړاندې نه لګولې شوې وې، د سيند په غاړۀ جوړ تجاوزاتو خلاف آپريشن فيصله د سيلاب نه وړاندې شوې وه او دوئم جون نه يو مياشت لپاره ملاکنډ ډويژن کښې دفعه يو سل څلور څلويښت هم نافذ کړې شوې وه ۔
تحقيقاتي رپورټ کښې مخکښې وئيلي شوي چې څليريشتم جون نه دفعه يوسل څلور څلويښت کښې توسيع کړې شوې وه او سوات سيند کښې په لامبلو او کشتۍ چلولو باندې بنديز هم لګولې شوې وو، اوولس سيلګرو کښې څلور په هاغه وخت ريسکيو کړې شوي وو، د دولس سيلګرو مړي راويستي شوي او د يو سيلګري د مړي لټون اوس هم جاري دې ۔
د کمشنر ملاکنډ رپورټ کښې وئيلي شوي چې د سوات مختلفو سيمو کښې پنځه اوويا کسان سيلاب لاهو کړي وو، او په دې غلفت ډپټي کمشنر، اے ډي سي، اسسټنټ کمشنر بابوزئۍ، خوازه خيله سوات معطل کړې شويدي، ډسټرکټ ايمرجنسي آفيسر سوات او تحصيل ميونسپل آفيسر سوات هم معطل کړې شويدي ۔
رپورټ مطابق د سوات پيښې نه پس په اتۀ ويشتم جون د خېبرپښتونخوا چيف سيکريټري د پيښې د ځائې دوره کړې وه او سوات سيند کښې ئې په هر قسمه مائننګ پابندي لګولو حکم هم کړې وو ۔
