د بنو ډوميل چشمه سيمه کښې د ترهه ګرو او ترهه ګرۍ مخنيوي ادارې اهلکارو ترمينځ انښته شوې، چې پکښې د سي ټي ډي سب انسپکټر پشمول درې اهلکاران شهيدان شوي، او دوه نور ژوبل شويدي ۔
د پوليس جوابي ډزو کښې دوه ترهه ګر وژلي شوي او يو ژوبل حالت کښې نيولې شوې، سيمه کښې د نورو ترهه ګرو لټون لپاره عمليات جاري دي ۔
د پوليسو ذرائعو تر مخه دغه پیښه بيګا د شپې هاغه وخت مخې ته راغله کله چې سي ټي ډي پوليس ډوميل تهاڼې حدود چشمي سيمه کښې د نامعلومه وسله والو پر ضد عملیاتو کښې مصروف وو ۔
شهيد شوي سي ټي ډي اهلکارانو کښې اسسټنټ سب انسپکټر بنيامين خان ، کانسټيبل انعام خان او کانسټيبل مصور خان شامل دی ۔
د پيښي اطلاع ميلاوېدو باندې ريجنل پوليس افسر سجاد خان ، ډي پي او بنو سليم عباس کلاچي سره د ايس پي سي ټي ډي د هسپتال دوره کړې او د ژوبل شوي پوليس اهلکارانو عيادت ئې کړيدې ۔
ريجنل پوليس افسر سجاد خان هسپتال عملې ته د ژوبل اهلکارانو بهتر علاج کولو هدايت جاري کړې او وئيلي دي چې د ژوبل اهلکارانو بهتر علاج لپاره به ټول وسائل په کار راوستلی شي او دا چې مونږ به د خپل شهيد اهلکاران بدلاه ضرور اخلو ۔
بلخوا د شهيد شوي سي ټي ډي اهلکارانو جنازې مونځ بنو اقبال شهيد پوليس لائن کښې ادا شوې چې پکښې پوليس افسرانو، اهلکارانو او نور خلقو ګنړ شمير کښې ګډون کړېدې ۔
