وزيراعظم شهباز شريف بهارتي حکومت له خبردارې ورکړې چې پاکستان خلاف دې بيان بازي او دهړکې ورکول پريږدي ،د پاکستان د برخې اوبۀ بندولو به موثره جواب ورکوؤ ۔
کاکول اکيډمې کښې پاسنګ آوټ دستورې ته وينا په وخت وزيراعظم وئيلي دي چې پاکستان د ترهه ګرۍ خلاف فرنټ لائن سټيټ دې ، بهارت د پهلګام پيښې وروستو بے بنياده او بغير د ثبوتونو تورونه لګولي ، پاکستان د يو ذمه دار رياست په حيث غير جانبدار عالمي تحقيقاتو لپاره تيار دې ولي د بهارت لخوا دهړکې قبول نۀ دي ۔
وزير اعظم يو واري بيا په ډاګه کړې که د سندھ طاس معاهدې خلاف ورزي اوشوه او اوبۀ اودرولې شوې نو پوره طاقت سره به جواب ورکوؤ ، څوک دې غلط فهمۍ کښې نۀ اوسي ، د پاکستان وسله وال ځواګونه د هر قسمه صورتحال لپاره مکمل چمتو دي ۔
وزير اعظم اووئيل چې پينځه ويشت کروړه اولس متحد دې او د خپل فوج په شا ولاړ دي ، پاکستان د هر قسمه ترهه ګرۍ هميشه او په هر شکل کښې رد کړې ، پاکستان په نړۍ کښې د ترهه ګرۍ نه د ټولو زيات متاثره ملک دې ، زمونږ نوي زره خلقو د ترهه ګرۍ د لاسه خپل ژوند بائيللې ، پاکستاني معيشت ته په اربونو روپو زيان اوړيډلې دې ۔
وزير اعظم وينا وه چې افغانستان زمونږ ګاونډي او برادر اسلامي ملک دې ، غواړو چې پر امنه اوسيږو ولې بدقسمتۍ له کبله د افغانستان خاورې نه د پاکستان خلاف کاروايانې کيږي ، د افغانستان خاورې نه حملې نه شو برداشت کولې ۔
وزيراعظم دا هم اووئيل چې افغانستان سره پرامن او مستحکم تعلقات قائمول غواړو،دې سلسله کښې اسحاق ډار د کابل دوره هم کړې وه ۔
