دپاک فوج سرلښکر جنرل عاصم منير د قومي سلامتۍ پارليماني کميټۍ ته خطاب کړې او وئيلي دي چې دا زمونږ او زمونږد راتلونکي نسلونو د بقا جنګ دے ،د ملک سلامتۍ نه لويه هيڅ يوه ايجنډا نيشته ،نه خو يوتحريک او نه څوک شخصيت ۔
آرمي چيف اووئيل چې دپائيدار استحکام لپاره دقومي طاقت ټول عناصر له هم آهنګۍ سره کار کول پکار دي، مونږ له غوره ګورننس او مملکت پاکستان هارډ سټيټ جوړولو ضرورت دے ۔
آرمي چيف اووئيل چې مونږ به ترڅو ديو نرم خويه رياست په توګه د بے پناه جانونو قربانۍ ورکوؤ، مونږ به تر څو د حکومتدارۍ خلا د افواج پاکستان او شهيدانو په وينه پوره کوؤ ۔
آرمي چيف جنرل سيد عاصم منير علما ته خواست اوکړو چې د ترهه ګرو لخوا داسلام مسخ شوې تشريح نه پرده پورته کړي، چې دا ملک وي نو مونږ به هم يو ، د ملک سلامتيا نه سيوا زمونږ لپاره هيڅ څيژ غوره نه دے ۔
دآرمي چيف وينا وه چې د پاکستان تحفظ لپاره مونږ له به په يو آواز د سياسي او ذاتي مفاداتو نه بالاتر يوه بيانيه خپلول وي .
جنرل عاصم منير اووئيل چي کوم خلق دا ګڼي چې پاکستان به د دې ترهه ګرو په ذريعه کمزورې کړي ، نو دغه عناصرو ته نن زه دا پيغام ورکول غواړم چې مونږ متحد يو او په شريکه به نه يوازي دا ترهه ګر بلکه د دوي سهولت کاران هم ناکامه کړو ۔
آرمي چيف مخکښې اووئيل چې مونږ په الله تعالې پوره باور لرو چې څه هم اوشي مونږ به کاميابي ترلاسه کوؤ .
