اسلام آباد: د سپريم کورټ جسټس محمد علي مظهر د بنچ اختياراتو په مقدمه کښې د آئيني بنچ د فيصلې سره اتفاق کړې او شل صفحاتو باندې مشتمل نوټ ئې جاري کړېدې ۔
د سپريم کورټ جج جسټس محمد علي مظهر خپل نوټ کښې وئيلي دي چې شپږ ويشتم آئيني ترميم صرف د پارليمنټ يا سپريم کورټ په فيصله ختميديشي ۔
په نوټ کښې جسټس محمد علي مظهر زیاته کړې چې یواځې آئیني بنچ په قانوني او آئيني کيسز نظر کولی شي او ریګولر بنچ ته د آئین د تشریح کولو اختیار نشته، آئيني بنچ د دوه کسيزه بنچ حکم واپس اخستې او دا ئې صحيح فيصله کړيده ۔
نوټ کښې مخکښې ليکلې شوي چې شپږ ويشتم آئيني ترميم دا مهال د آئين برخه ده، په دې ترميم کښې ټول هر څه د کولاؤ کتاب پشان واضحه دي، مونږ په دې ترميم سترګې پټولې نشو او غوږونه بندولې نشو، دا خبره ټهيک ده چې دا ترميم چيلنج کړې شوې، او فريقينو ته نوټسې هم جاري شوي، دا کيس فُل کورټ ته ليږلو په درخواست به په ميرټ فيصله کولې شي ۔
جسټس محمد علي مظهر خپل نوټ کښې ليکلي چې شپږ ويشتم آئيني ترميم دپارليمنټ يا سپريم کورټ په فيصله ختميديشي ، تر څو چې دا نۀ وي شوى تر هغې پورې به د دې ترميم لاندې معامله روانه وي، د آئين تشريح کم از کم پنځه کسيزه آئيني بينچ اوريديشي، يو ريګولر بنچ ته د خپلو اختياراتو څخه تجاوز نۀ دي کول پکار ۔
د سپريم کورټ جسټس محمد علي مظهر په نوټ کښې زياته کړې چې دوه کسيزه بنچ د ټېکس په مقدمه کښې بنيادي حکمونه واپس کړي، د بنيادي احکاماتو وروستو د کاروائي هيڅ حيثيت نيشته ۔
