د پنډۍ ټيسټ دريمې ورځې لوبه ختم شوې، او قامي ټيم مشکلاتو سره مخ شويدې،پاکستان دوئم اننګز کښې څلور وکټو په زيان څلور نوي رنز جوړ کړې او د دري ويشت رنز برتري ئې ترلاسه کړېده،دې نه وړاندې ميلمه ټيم خپل اولني اننګزکښې په څلورسوه،څلور رنز او قامي ټيم اولني اننګز کښې درې سوه ،دري ديرش رنز باندې آؤټ شوې وو، پاکستان طرف نه آصف آفريدي شپږ او نعمان علي دوه وکټې اخستې وې ۔
پنډۍ کرکټ سټيډېم کښې جاري د دوئم ټيسټ ميچ دريمې ورځې لوبه ختميدو پورې قامي ټيم مشکلاتو سره مخ شوي دې ۔
قامي ټيم خپل دوئم اننګز کښې څلور وکټو په زيان څلور نوي رنز جوړ کړي او جنوبي افريقې خلاف ئې د دري ويشت رنز برتري ترلاسه کړېده ۔
پاکستان طرف نه امام الحق په نهه، عبدالله شفيق په شپږ ، کپتان شان مسعود په صفر او سعود شکيل په يوولس رنز آؤټ شويدي ۔
دې نه وړاندې د جنوبي افريقه ټول ټيم د پاکستان اولني اننګز سکور درې سوه دري ديرش رنز جواب کښې په څلور سوه ، څلور رنز آؤټ شوې وو او د يو اوويا رنز برتري ئې ترلاسه کړې وه ۔
پاکستان طرف نه آصف آفريدي خپل اولني ټيسټ په اولني اننګزکښې شپږ وکټې اخستي، نعمان علي دوه، شاهين شاه آفريدي او ساجد خان يو، يو وکټ اخستې وې ۔
پاکستان دوئم اننګز کښې صرف د دري ويشت رنز برتري ترلاسه کړې، د جنوبي افريقې دوئم اننګز پاتې دې، د څلورمي او آخري ورځې لوبه هم باقي ده ۔
بلخوا د قامي ټيم سپنر بولر آصف آفريدي اتۀ ديرش کالو عمر کښې د جنوبي افريقه خلاف دوئم ټيسټ کښې ډيبيو کړې ، او خپل اولني ټيسټ کښې ئې شپږ وکټو اخستو سره نۀ صرف د دوه نوي کالو ريکارډ مات کړې بلکه يو نوې عالمي ريکارډ ئې هم په خپل نوم کړيدې ۔
لفټ آرم سپنر آصف آفريدي شپږ وکټې اخستو سره د نړيوال کرکټ تر ټولو زيات عمر بولر جوړ شوې ، دې نه وړاندې کال نورلس سوه دري ديرش کښې د انګلينډ چارلس ميرټ اووه ديرش کالو عمر کښې ډيبيو باندې پنځه وکټې اخستې وې ۔
