د افغانستان ولايت بادغيس نائب ګورنر ځوئې هم پاکستان کښې د ترهه ګرۍ پيښو کښې د ککړتيا انکشاف شوې ، د پاکستان سيکورټي ذرائع وائي چې افغان چارواکو د بدر الدين عرف يوسف د مړي اخستو نه انکار هم کړېدې ۔
سيکيورټي سرچينو ترمخه څو ورځې وړاندې د ډي آئي خان کلاچي مدي سيمه کښې عمليات ترسره شوي وو او دې کاروائۍ دوران څلور ترهه وژل شوي وو ۔
دغه ترهه ګرو کښې د بادغيس نائب ګورنر ملا غلام محمد احمدي ځوئې هم شامل وو ، د وژلي شوي ترهه ګر نه د امريکني ساخته جديد نائټ ويژن پشمول نوره وسله هم برآمد شوې وه ۔
د سرچينو ترمخه د باد غيس نائب ګورنر وژلې شوې ځوئي پيژندګلو بدر الدين عرف يوسف په نوم شوې ، افغان چارواکو د هغه مړې اخيستو نه انکار کړې دې ۔
پاکستاني چارواکو څو وارې افغان چارواکو سره د مړي وصول کولو لپاره رابطه کړې ولې هغوي د مړي اخستو نه انکار کوي ۔
سر چيني زياتوي چې بدرالدين دې نه وړاندې افغان طالبانو مرکز کښې ټريننګ حاصلولو او دهغې وروستو کالعدم ټي ټي پي کښې شامل شوې وو ۔
سيکيورټي ذرائعو مخکښې وئيلي چې بدر الدين د افغانستان نه پاکستان کښې ترهه ګرۍ اوسني پيښو کښې نيغ په نيښه ککړ وو ۔
