قامي ټيم انډرنائنټين سه فريقي ون ډے سيريز ټائټل هم په خپل نوم کړې، هرارے ګراؤنډ کښې لوبيدلې فائنل کښې پاکستان په نهه وکټو زمبابوے ته شکست ورکړې او ټرافي ئې ګټلې ده، د زمبابوے د يو سل نهه پنځوس رنز هدف قامي ټيم يو وکټ په زيان اوولسم اوورکښې پورا کړې، پاکستان طرف نه سمير منهاس جارحانه بيټنګ کړې او په يوپنځوس بالز ئې يو سل څوارلس رنز جوړ کړيدي ۔
د زمبابوے هرارے سټيډيم کښې لوبيدلې د انډرنائنټين سه فريقي ون ډے سيريز فائنل ميچ کښې پاکستان ټاس ګټلو نه پس د فيلډنګ فيصله کړې وه ۔
قامي ټيم خلاف د زمبابوے ټول ټيم پنځه څلويښتم اوور کښې يو سل اتۀ پنځوس رنز باندې آؤټ شوې وو، چې پکښې ټولو نه زيات مائيکل بليګ شپيتۀ رنز جوړ کړي وو ۔
پاکستان طرف نه عمير زيب شاندار بولنګ کړې او څلور وکټې ئې په خپل نوم کړې وې، عبدالسبحان دوه، محمد صيام، دانيال علي، احمد حسنين يو، يو وکټ اخستې وه ۔
قامي ټيم جارحانه بيټنګ کړې او د يو سل نهه پنځوس رنز هدف ئې صرف اوولسم اوور کښې پورا کولو سره د سيريز ټرافي هم په خپل نوم کړېده ۔
پاکستان طرف نه سمير منهاس په يو پنځوس بالز شاندار يو سل څوارلس رنز جوړ کړي وو ، محمد صيام په اتۀ ديرش او عثمان خان په دوه رنز آؤټ شوې وو ۔
