اليکشن کميشن د سينيټ کښې خېبر پښتونخوا نشستونو باندې د انتخاباتو لپاره اميدوارانو فهرست جاري کړې، اليکشن کميشن وائي چې تير کال په اوويشتم مارچ جوړ شوې فهرست به حتمي ګنړلې کيږي، جنرل نشست لپاره د پيپلز پارټې ،جے يو آئي پي او مسلم ليګ ن يو،يو اميدوار شامل دې ۔
اسلام آباد: اليکشن کميشن آف پاکستان خېبر پښتونخوا کښې سينيټ نشستونو باندې انتخاباتو لپاره د اميدوارانو فهرست جاري کړېدې ۔
اليکشن کمشين وئيلي دي چې تير کال په اووه ويشتم مارچ جاري شوې فهرست به حتمي ګنړلې کيږي، د سينيټ انتخاباتو لپاره به هيڅ نوې کاغذاتِ نامزدګي نۀ جمع کيږي ۔
اليکشن کميشن د صوبې اووۀ جنرل نشستونو لپاره شپاړس اميدوارانو فهرست جاري کړې، زنانؤ سيټونو لپاره څلور او ټيکنو کريټ لپاره شپږ اميدوارانو فهرست جاري کړې شوېدې ۔
جنرل نشست لپاره د پيپلز پارټې، جے يو پي او مسلم ليګ ن يو، يو اميدوار شامل دي، ټيکنو کريټ سيټ لپاره به جے يو پي يو اميدوار ميدان کښې وي، د زنانؤ نشستونو لپاره به پيپلز پارټې يو اميدوار انتخاباتو کښې برخه اخلي ۔
