اسلام آباد: وفاقي کابيني اجلاس ته خطاب کښې وزيراعظم شهبازشريف وئيلي دي چې ليفټيننټ حسن اشرف دخپل ژوند قرباني ورکولو نه وړاندې شپږ ترهه ګر وژلي دي، ترهه ګرۍ خلاف د هغه قربانيانې به هميشه ياد ساتلې شي ۔
وزيراعظم اووئيل چې برادر ملک ترکيه صدر په دوه ورځنې دورے پاکستان ته راغلې وو، ترکيه هميشه د پاکستان مرسته کړېده، ترکيه صدر کشمير او فلسطين آزادۍ لپاره آواز پورته کړېدې ۔
وزيراعظم شهبازشريف اووئيل چې ترکيه او پاکستان ترمينځ برادرانه تعلقات دي، ترکيه سره تجارتي حجم سيوا کولو باندې اتفاق شوېدې ۔
د وزيراعظم شهبازشريف وينا وه چې ګيلپ سروے کښې يو کال کښې بزنس کميونټي په پاليسې پنځه پينځوس فيصده اعتماد کړېدې، کومه چې د وياړ او خوشحالۍ خبره ده ۔
وزيراعظم زياته کړه چې ورلډ بينک وفد د پاکستان معاشي اعشاريو ستائينه کړېده، که په شريکه کار اوکړې شي نو معاشي ترقي کښې به تيزي سره اضافه کيږي، ترهه ګرې مکمل خاتمه زمونږ مشن دې، د پاکستان ترقي او خوشحالي د ترهه ګرۍ خاتمے سره تړلې دې ۔
