وزيراعظم شهبازشريف وئيلي دي چې د پاکستان او بهارت ترمينځ ډز بندي مو د منطقې په مفاد کښې قبوله کړې،خطه کښې د امن بحالۍ لپاره د امريکائي صدر ډونلډ ټرمپ شکر ګزار يو ۔
د پاکستان او بهارت ترمينځ ډز بندې نه پس خپل يو بيان کښې وزيراعظم وئيلي چې دواړو ملکونو ترمينځ ډيرو معاملو باندې خبرې پاتې دي ۔
د وزيراعظم وينا وه چې د دواړو ملکونو ترمينځ ډز بندي مو د منطقې اعلیٰ مفاد کښې قبوله کړې، د امريکائي صدر شکريه ادا کوؤ، چې د سيمې امن لپاره ئې فعال کوششونه کړيدي ۔
هغه اووئيل چې د پاکستان امريکې خارجه وزيرانو جنوبي ايشيا کښې امن لپاره کوم کوششونه کړې د هغې هم ستائنه کوؤ،او دا پيشرفت د منطقې د مسائلو د حل لپاره يو علامت دې ۔
وزيراعظم شهبازشريف دا هم وئيلي چې دغه مسئلو ډير وخت راهسې د سيمې امن متاثره کړې وواو دا د منطقې امن، خوشحالۍ اوترقې کېښ لوئې رکاؤټ وو ۔
وزيراعظم اووئيل چې د ډز بندې معاملې نه پس به دواړو ملکونو ترمينځ ميټنګز کيږي، چې پکښې به د پاکستان او بهارت ترمينځ شخړو باندې خبرې کولې شي ۔
