آرمي چيف جنرل سيد عاصم منير وئيلي دي چې ځوانان د پاکستان د مستقبل مشران دي، طلبا دې زان د ملک ترقې کښې مثبت کردار لوبولو قابل جوړ کړې، طلبا دې خپل تعليمي سرګرميانو کښې بهترين کارکردګې لپاره کوشش اوکي، آرمي چيف د ځوانانو جذبې او تخليقي صلاحيتونو ستائينه کړې ۔
آئي ايس پي آر ترمخه آرمي چيف جنرل سيد عاصم منير د ټول پاکستان يونيوسټو او کالجونو طلبا ته خطاب کښې اوئيل چې طلبا دې په خپل تعليم خصوصي توجه ورکړي ۔
هغه اوئيل چې طلبا دې خپل تعليمي سرګرميانو کښې بهترين کارکردګې لپاره کوشش اوي،داسې مهاراتونه دې ترلاسه کړې کوم چې هغه د ملک ترقې کښې مثبت کردار ادا کولو قابل جوړ وي، داسې هنر دې زده کړي کوم سره دوي د ملک ترقې کښې مثبت انداز کښې برخه اخېستې شي ۔
آئي ايس پي آر مطابق آرمي چيف د ځوانانو جذبې او تخليقي صلاحيتونو ستائينه کړېده او د ملکي خود مختاري او علاقائي سالميت تحفظ کښې ئي د پاک پوځ کردار هم په ګوته کړېدې،آرمي چيف د ترهه ګرې خلاف جنګ کښې د اولس قربانو ته خراج تحسين وړاندې کړېدې ۔
د آئي ايس پي آر وينا مطابق آرمي چيف ملک نه د ترهه ګرو خاتمه کښې د قام قربانۍ ستائلي او وئيلي دي چې د قام او په خصوصي توګه د ځوانانو پاک فوج سره ډيره مضبوطه رشته ده، د ملک دښمنه عناصرو لخوا د پاک فوج او اولس ترمينځ لارې جوړولو کوششونوه به هميشه ناکامه وي ۔
آرمي چيف اووئيل چې مونږ په خپل مذهب ،تهذيب او رواياتو باندې فخر کوؤ، د ترهه ګرو فرسوده سوچ به چرې هم په ملک مسلط کولو ته نۀ پريږدو، دا ترهه ګر آخر د کوم شريعت او دين خبرې کوي ؟
جنرل عاصم منير دا هم اووئيل چې د خېبرپښتونخوا او بلوچستان بهادر او درانه خلق د ترهه ګرو خلاف لکه د غر ولاړ دي ۔
