د ايشيا کپ ټي ټونټي کپ هائي وولټيج ټاکرا، د ايونټ اهم ترين ميچ نن د پاکستان او بهارت ترمينځ لوبيږي، ميچ به ماسخوتن اووه نيمې بجې دبئي انټرنيشنل کرکټ ګراؤنډ کښې کيږي، ګرين شرټس بهارت له شکست ورکوؤلو لپاره پرجوش دي ۔
دبئې انټرنيشنل کرکټ ګراؤنډ کښې نن روايتي حريف پاکستان او بهارت يو بل ته مخامخ کيږي، د ميچ لپاره د ټکټونو خرڅيدو کښې نوره هم تيزي راغلې، ميچ لپاره ټول کټيګري ټکټونو لپاره د خلقو دلچسپي په نظر راغلي ۔
سابق بهارتي کرکټر سنجے منجريکر د پاکستان سپنرز د هندوستان لپاره لويه خطره ګرځولې، تجزيه کار وائي چې ټاس به ميچ په ګټه او شکست کښې لوئې کردار ادا کوي، کوم ټيم چې اول بيټنګ اوکړو د هغوي پوزيشن نور هم مستحکم کيدې شي ۔
ايشيا کپ کښې د پاکستان او بهارت ترمينځ کم از کم دوه، او زيات نه زيات درې ميچونه ممکن دي، سپرفور مرحله کښې د پاکستان او بهارت ترمينځ په يويشتم ستمبر ميچ هم متوقع دې، که چرې دوانړه ټيمونه فائنل ته رسائي کوي نو دا به دې ايونټ کښې د دوانړه ټيمونو دريم ميچ شي ۔
