د خېبر پښتونخوا ګورنر فيصل کريم کنډي وئيلي دي چې پاکستان کښې ترهه ګرۍ حملو لپاره د افغانستان خاوره استعماليږي ۔
د ګورنر وينا وه بايد چې افغان حکومت د دې مخنيوي لپاره موثره اقدامات وکړي،اسلام آباد کښې سيکيورټي سيمنار ته وينا په وخت ګورنر وئيلي دي چې خيبر پښتونخوا کښې امن بحال ساتل د صوبائي حکومت ذمه واري ده ولې وزيراعلي دې کښې مخلصه نه دې ۔
اسلام آباد پاليسي ريسرچ انسټي ټيوټ زير اهتمام خېبرپښتونخوا کښې د سيکيورټي او ګورننس چيلنجونه په موضوع سيمينار ته خپله وينا کښې اووئيل چې صوبه کښې د ګورننس معيار بهتر جوړولو لپاره د فنډونو په استعمال کښې شفافيت پکار دي ۔
ګورنر مخکښې اووئيل چې خيبرپښتونخواه کښې سيکيورټي فورسز د بے شميره قربانو وروستو امن پر ځائې کړېدې، ولې خطرات اوس هم په مکمله توګه نۀ دي ختم شوي ۔
