خېبرپښتونخوا کښې سيکيورټي فورسز باجوړ او بنو کښې کاميابې کاروائيانې کړي، آئي ايس پي آر وئيلي چې دې دوران دري ويشت ترهه ګر وژلي شويدي، وژلي شوي ترهه ګرو کښې اهم ترهه ګر سجاد عرف ابوذر هم شامل دې ۔
د پاک فوج اطلاعاتو شعبې طرف نه جاري شوې بيان کښې وئيلي شوي چې سيکيورټي فورسز په خفيه اطلاع باجوړ او بنو کښې مختلفې کاروائيانې کړېدي ۔
آئي ايس پي آر وئيلي چې اولنۍ کاروائي باجوړ کښې شوې، چرته چې يوولس ترهه ګر خپل انجام ته رسولې شويدي ، وژلي شوي ترهه ګرو کښې اهم ترهه ګر سجاد عرف ابوذر هم شامل دې ۔
بيان مطابق دوئمه اهم او کاميابه کاروائي بنو کښې شوې چرته چې دولس ترهه ګر وژلي شويدي ۔
آئي ايس پي آروئيلي چې دواړو سيمو کښې سينټائزيشن آپريشن جاري دې، او د ترهه ګرو مکمل خاتمې پورې به کاروائيانې جاري ساتلې شي ۔
د پاک فوج ترجمانې ادارې دا هم وئيلي چې عزمِ استحکام لاندې ټول ملک کښې د ترهه ګرۍ خاتمې مهم پورا قوت سره جاري دې ، قانون نافذ کونکې ادارې او سيکيورټي فورسز بهرملکي مرستيال ترهه ګرو خاتمې لپاره پرعزم دي ۔

