پيښور: د خېبر پښتونخوا محکمه داخله وئيلي دي چې افغانانوواپسۍ په نيټه کښې به نوره توسيع نۀ کيږي،پي او آر کارډ هولډر افغان مهاجرینو پاکستان کښې د حتمي قیام نیټه په دیرشم جون ختمیږي ۔
محکمه داخله مطابق د ړومبې جولائي نه پس به ټول کارډ هولډرز افغان مهاجرین غیر قانوني ګنړلې شي، محکمه داخله مطابق د دوئمې مرحلې لاندې په مجموعی توګه يو پنځوس زره، اووه سوه، يو ديرش افغانان په طورخم پوله افغانستان ته لیږلې شوي، او د واپس تلونکي افغانانومجموعي شميره پنځه لکه، ديرش زره، شپږ اتيا ته رسيدلې ده ۔
د محکمه داخله رپورټ ترمخه په مجموعی توګه دویمه مرحلې کښې دوه ديرش زره، پنځه سوه دري افغان سیټزن کارډ هولډرز او نورلس زره دوه سوه اته ويشت غیر قانونی تارکین وطن د طورخم سرحد د لارې افغانستان ته لیږلی شوي ۔
محکمه داخله وینا ده چې دویمه مرحله کښې په مجموعی توګه د اسلام آباد نه دوه زره دوه سوه څلور ديرش، پنجاب نه اتلس زره شپږ سوه دوه څلويښت، ګلګت نه دوه, آزاد کشمیر نه يوولس سوه دوه نوي او سندھ نه څلور څلويښت تنان افغانستان ته لیږلي شويدي ۔
دا شان د ستمبر دوه زره دري ويشتم نه تراوسه پورې دخېبر پښتونخوا مختلفو سرحداتو په ذریعه په مجموعی طور پنځه لاکھ، ديرش زره، دوه سوه شپږ اتيا کسان افغانستان ته لیږلي شويدي ۔
