دويم ون ډے ميچ کښې جنوبي افريقې په اتۀ وکټو پاکستان ټيم ته شکست ورکړې او د درې ميچونو سيريز ئې يو، يو سره برابر کړيدې، د پاکستان دوه سوه، اوويا رنز هدف ميلمه ټيم دوه وکټو په زيان پورا کړې او ميچ ئې ګټلې دې، جنوبي افريقې طرف نه کوانټن ډي کاک شاندار يوسل، دري ويشت رنز سره ناټ آؤټ پاتې شوې او د ميچ بهترين لوبغاړې ګرځولې شويدې ۔
فيصل آباد کښې لوبيدلې دوئم ون ډے ميچ کښې د قامي ټيم کپتان شاهين شاه آفريدي ټاس ګټلې وو او پخپله ئې د بيټنګ فيصله کړې وه ۔
قامي ټيم مقرره اوورونو کښې نهه وکټو په زيان دوه سوه نهه شپيتۀ رنز جوړ کړي، چې پکښې ټولو نه زيات سلمان علي آغا نهه شپيتۀ رنز باندې آؤټ شوې وو ۔
محمد نواز نهه پنځوس او صائم ايوب دري پنځوس ، فخر زمان صفر، بابراعظم يوولس، محمد رضوان څلور، حسين طلعت لس، فهيم اشرف اتۀ ويشت او محمد وسيم دولس رنز جوړ کړي وو ۔
ميلمه ټيم مقرره هدف دوه وکټو په زيان پورا کړې او ميچ ئې ګټلو سره سيريز ئې هم يو، يو سره برابر کړيدې ۔
جنوبي افريقې طرف نه کونټن ډي کاک شاندار يو سل، دري ويشت رنز جوړ کړي او ناټ آؤټ پاتې شويدې ،ټوني ډې زورزي شپږ اوويا رنز باندې آؤټ شوې وو ۔
کونټن ډي کاک د ميچ بهترين لوبغاړي اعزاز په خپل نوم کړېدې، دواړو ټيمونو ترمينځ دريم او فيصله کُن ميچ به خالي په ورځ فيصل آباد کښې لوبيږي ۔
