د پاک فوج اطلاعاتو شعبې له لوري جاري بيان کښې وئيلي شوي چې سيکيورټي فورسز د ډي آئي خان کلاچي علاقې په کړې ملنګ سيمه کښې د ترهه ګرو د موجودګۍ په خفيه اطلاع کاروائي کړېده ۔
د آئي ايس پي آر په بيان کښې وئيلي چې کاروائۍ دوران د ترهه ګرو ټهکانه په نښه کړې شوې، چې پکښې لس ترهه ګر وژلې شويدي ۔
آئي ايس پي آر ترمخه ترهه ګرو سره د ډزو تبادله کښې د پاک فوج کيپټن حسنين اختر وطن لپاره قرباني ورکړې او شهيد شوې دې ۔
د څليريشت کلن شهيد حسنين اختر تعلق د پنجاب ضلع جهلم سره وو،هغه د ترهه ګرو خلاف کاروائۍ دوران د خپل ټيم مشري کوله ۔
آئي ايس پي آر مطابق کيپټن حسنين اختر د پاک فوج بهادر افسر وو، او د خپلو جراتمندانه او دليرانه فيصلې کولو کښې ئې نوم پيدا کړې وو، ترهه ګرو خلاف ئې يو شمير کامياب آپريشنز کښې بهترين کارکردګي ښودلې وه ۔
د پاک فوج ترجمان مخکښې وئيلي چې آپريشن دوران وژلي شوي ترهه ګرو د قبضې نه درنه وسله او ګوله بارود برآمد شويدي ۔
وژلي شوي ترهه ګر قانون نافذ کونکي ادارو اهلکارانو او عام وګړو په ټارګټ کلنګ کښې ککړ وو،سيمه کښې د نورو ترهه ممکنه موجودګۍ او هغوي خلاف به کاروائي جاري وي ۔
