پيښور: د پاکستان سپر ليګ لسم ايډيشن چمکداره ټرافي د خيبر نيټ ورک دفتر ته رسيدلې ،چرته چې د خېبرنيټ ورک او پيښور زلمي ترمينځ مفاهمتي يادداشت باندې لاس ليک هم شويدې ۔
دې لړ کښې د خېبر نيټ ورک پيښور سينټر کښي يو خصوصې دستوره هم شوې ،دغه دستوره کښې د خېبرنيټ ورک ايګزيکټيو ډائريکټر کيوان حامد راجه او د پيښور زلمي سي اي او عباس لائق زاده ايم او يو باندې لاس ليک کړېدې ۔
په دې موقع د خېبر نيټ ورک لخوا عباس لائق زاده او کرنل ريټائرډ عمران فيض ته تحفې هم وړاندې کړې شويدي ،او دغه تحفې دوي ته د خېبرنيټ ورک ايګزيکټيو ډائريکټر کيوان حامد راجه پيش کړېدي ۔
په دې موقع پيښور زلمي لخوا کيوان حامد راجه ته شرټ تحفه کښې ورکړې شوې ، دې نه پس د خېبر نيټ ورک پيښور سينټر کښې د روژه ماتي يو زبردست اهتمام هم شوې وو ۔
خپلو خصوصي خبرو اترو کښې د خېبرنيټ ورک ايګزيکټيو ډائريکټر کيوان حامد راجه اووئيل چې د پي ايس ايل يو بهترين ټيم پيښور زلمي سره يو جذباتي مينه لرو ۔
د کيوان حامد راجه وينا وه چې د پي ايس ايل لسم ايډيشن کښې د پيښور زلمي لپاره نيکې هيلې لرو او کاميابۍ لپاره ئې پر اميد يو ،د خېبرنيټ ورک او پيښور زلمي ترمينځ ډير ښه تعلقات دي او دا اړيکې به دغه شان قائم وي ۔
په دې موقع د پيښور زلمي سي اي او عباس لائق زاده اووئيل چې خيبر نيټ ورکه راته هميشه درناوې راکړې ،او د احترام رشته به خيبر نيټ ورک سره دغه شان برقرار وي ۔
