پنډۍ کښې لوبيدلې د پي ايس ايل لسم ايډيشن په اووم ميچ کښې ملتان سلطانز ټاس ګټلې وو او د فيلډنګ فيصله ئې کړې وه ۔
اسلام آباد يونائټډ مقرره اوورونو کښې شپږ وکټو په زيان دوه سوه، دوه رنز جوړ کړي وو، چې پکښې صاحبزاده فرحان دري پنځوس اوکولن منرو اتۀ څلويښت رنز باندې آؤټ شوي وو،حيدر علي دري ديرش او جيسن هولډر دوه ديرش جارحانه رنز جوړ کړي وو ۔
ملتان سلطانز لخوا کريس جارډن دوه، ډيوډ ويلے، اسامه مير، محمد حسنين او عبيد شاه يو، يو وکټ په خپل نوم کړې وه ۔
د مقرره هدف په تعاقب کښې د ملتان سلطانز ټول ټيم نورلسم اوور کښې يو سل پنځه پنځوس رنز باندې آؤټ شوې او په اووه څلويښت رنز ئې ميچ بيللې دې ۔
ملتان سلطانز طرف نه کپتان محمد رضوان ټولو نه زيات اتۀ ديرش، افتخار احمد دوه ديرش او عثمان خان يو ديرش رنز جوړ کړې وو ۔
اسلام آباد يونائټډ لخوا جيسن هولډر څلور او عماد وسيم دوه وکټې په خپل نوم کړې وې ،جيسن هولډر شاندار آل راؤنډ کارکردګۍ باندې مين آف دي ميچ ګرځولې شويدې ۔
ميچ ګټې سره اسلام آباد يونائټډ روان ايونټ کښې مسلسل دريم ميچ ګټلې او ملتان سلطانز دوئم ميچ هم بيللې دې ۔
