وزيراعظم شهباز شريف ابوظهبي کښې د يو اے اي صدر شيخ محمد بن زيد النهيان، د کويتي هم منصب او سري لنکا صدر سره جدا جدا ملاقاتونه کړېدي ۔
د يو اے اي صدر شيخ محمد بن زيد النهيان سره ملاقات په موقع وفاقي وزيران او آرمي چيف جنرل عاصم منير هم موجود وو،ملاقات دوران اقتصادي، تجارتي او نورو شعبو کښې دوه اړخيزه اړيکو باندې خبرې ۔
دغه ملاقاتونو کښې د مشرقِ وسطیٰ او جنوبي ايشيا مجموعي صورتحال باندې د خيالاتو بدلون شويدې ،بلخوا وزيراعظم د ډي پي ورلډ ګروپ چيئرمين سره هم ملاقات کړې او ورسره ئې پاکستان کښې سرمايه کارۍ په معاملوخبري کړي ۔
بلخوا دبئي کښې ورلډ ګورنمنټس سمټ ته خطاب کښې وزيراعظم شهبازشريف وئيلي دي چې غزه کښې د نسل کشۍ آپريشن کښې پنځوس زره فلسطينيان شهيدان شويدي، د مسئله فلسطين دوه رياستي حل ضروري دې ۔
وزيراعظم وئيلي چې دبئي د مستقبل معاشي مرکز دې، د شمسي توانائۍ فروغ لپاره مو ټيکس کښې کمي کړېده، اړان پاکستان پروګرام د معاشي ترقۍ لپاره يو اهم اقدام دې ،پاکستان کښې سرمايه کارۍ ته نوره وده ورکولو لپاره اقدامات جاري دي ۔
وزيراعظم اووئيل چې تير اوويا کالو نه پاکستاني قام يو شمير چيلنجونو مقابله کړې او طمع ده چې خطه کښې به پائيدار امن قائم شي، دوه زره ديرشم پورې به پاکستان شپيته فېصده توانائى قابل تجديد ذرائعو نه ترلاسه کړي ۔
وزيراعظم مخکښې اووئيل چې ورلډګورنمنټس سمټ د ښه مستقبل لپاره په چيلنجونو او موقعو نه فائده اوچتولو لپاره په شريکه د غوروفکر کولو ښه فورم دې ، عالمي برادرۍ ته موسمياتي مالياتي مرستې او ټيکنالوجۍ تبادلې يقينې کولو لپاره موثر کار کول پکار دي ، سمټ په داسې موقع شوې چې غزه د تباه کن اثراتو نه د وتو کوشش کوي ۔
