کوئټه کښې د سانحه جعفر ايکسپريس پيښې نه پس امن و امان په حواله اعلیٰ پائې غونډې ته وينا کښې وزيراعظم وئيلي چې تر څو بلوچستان او خيبر پښتونخوا کښې ترهه ګرې ختم شوي نۀ وي، تر هغې ملک امن و امان نشي قائميدې ،پاکستان او مونږ د جعفر ايکسپريس پشان پيښې متحمل نشو کيدې،مونږ ټولو ته به د خپلې برخې کردار ادا کول وي ۔
وزيراعظم وئيلي چې ترهه ګرو د روژې مياشت کښې هم د ماشومانو ، زنانو او مشرانو خيال نۀ دې راغلې ، داسې پيښۀ ملکي تاريخ کښې چرې نۀ ده شوې ۔
وزيراعظم وئيلي چې دغه ټرين کښې څلور سوه پورې مسافر ناست وو، څوک چې اختر لپاره خپلو کورونو ته تلل، ترهه ګرو درې سوه نه سيوا مسافر يرغمال کړي وو ۔
وزيراعظم اووئيل چې د پاک فوج بهادر ځوانانو کمال مهارت سره ټول يرغمال شوي مسافرو ژوند بچ کړې ، او دري ديرش ترهه ګر ئې وژلي دي ۔
د وزيراعظم شهبازشريف وينا وه چې بلوچستان به په ترقۍ کښې د نورو صوبو برابرول وي، دې لپاره مونږ ټولو ته به په شريکه د خپلې برخې کردار ادا کول وي ۔
وزيراعظم زياته کړې چې مونږ دوه زره اتلسم کښې د ملک نه ترهه ګر ختم کړې وه، هغه مهال نوازشريف وزيراعظم وو، د پاک فوج، پوليس او نورو سيکيورټي ادارو قربانو لوجې امن قائم شوې وو ۔
وزيراعظم سوال پورته کړې چې ترهه ګرۍ ملک کښې بيا سرپورته کړې، يو سياسي جماعت دغه ترهه ګر دوباره ملک کښې آباد کړي، ملک کښې ناست دغه دوست نما دښمنان د خپل فوج او سيکيورټي ادارو سپکاوې کوي، او ملک سره ئې دښمني شروع کړېده ۔
