لاهور ټيسټ کښې د پاکستان پوزيشن مضبوط شويدې، د پاکستان دوه سوه، اووۀ اوويا رنز هدف تعاقب کښې د جنوبي افريقې ټيم دوئم اننګز کښې دوه وکټو په زيان يو پنځوس رنز جوړ کړي، ميلمه ټيم ته ميچ ګټې لپاره نور دوه سوه شپږ ويشت رنز او پاکستان ته د اتۀ وکټو ضرورت دې، د څلورمې او پنځمې ورځې لاهم پاتې ده ۔
لاهور کښې جاري د اولني ټيسټ ميچ په دريمه ورځ جنوبي افريقې خلاف د پاکستان ټيم خپل دوئم اننګز کښې يو سل اووۀ شپيتۀ رنز باندې آؤټ شويدې ۔
پاکستان ميچ ګټې لپاره جنوبي افريقې ته د دوه سوه ، اووۀ اوويا رنز هدف ورکړې، د مقرره هدف تعاقب کښې په يو پنځوس رنز د جنوبي افريقې دوه لوبغاړي آؤټ شويدي ۔
ميلمه ټيم ته ميچ ګټې لپاره نور دوه سوه شپږ ويشت رنز او پاکستان ته د اتۀ وکټو ضرورت دې، د څلورمې او پنځمې ورځې لاهم پاتې ده ۔
پاکستان دوئم اننګز کښې په يو سل ، اووۀ شپيته رنز آؤټ شوې، چې پکښې ټولو نه زيات بابراعظم دوه څلويښت، عبدالله شفيق يو څلويښت، سعود شکيل اتۀ ديرش، محمد ضوان څوارلس، نعمان علي يوولس ،کپتان شان مسعود اووه، سلمان آغا څلور، امام الحق او شاهين آفريدي اپه صفر آؤټ شويدي ۔
جنوبي افريقې لخوا سينو ران پنځه او سمن هارمر څلور وکټې اخستي دي ۔
د پاکستان اولني اننګز سکور درې سوه اتۀ اوويا رنز جواب کښې د جنوبې افريقې ټيم اولني اننګز کښې دوه سوه ، نهه شپيتۀ رنز باندې آؤټ شوې وو، او پاکستان ته د يو سل نهه رنز برتري هم ترلاسه شوې وه ۔
