اسلام آباد کنونشن سينټر کښې د حکومت يو کال پورا کيدو باندې د کابينې خصوصي غونډه د وزيراعظم شهباز شريف په مشرۍ کښې ترسره شوېده ۔
د کابينې خصوصي غونډه کښې وفاقي وزيرانو شرکت کړې او د خپل خپل وزارت کارکردګي ئې هم وړاندې کړې او د راتلونکي کال هدف ئې هم ورسره واضحه کړيدې ۔
خصوصي غونډې ته وزيراعظم شهباز شريف وينا په وخت وئيلي دي چې بهترين ټيم ورک او د آرمي چيف جنرل عاصم منير سره اتحادي جماعتونو خصوصي شکريه ادا کوم چې يو کال کښې ئې حکومت سره تعاون کړې دې ۔
وزيراعظم اووئيل چې نن پاکستان په يو کال کښې بيا هغه دوه زره اتلسم دور پشان کاميابۍ طرف روان شويدې ، يوکال مخکښې چې پاکستان د ډيفالټ او ديواليه کيدو خبرې کيدې ، ولې نن پاکستان په خپلو خپو اودريدلې دې .
د وزيراعظم وينا وه چې نن ټوله نړۍ حيرانه ده چې پاکستان په يوکال کښې ګراني يو اعشاريه پينځه ته راغلې، ريکارډ ترقياتي کارونه او زرمبادله کښې اضافه او معاشي ترقۍ سره بيروني سرمايه کارۍ کښې اضافه څنګه کړې ده ۔
وزيراعظم شهباز شريف مخکښې اووئيل چې ملک کښې پائيدار ترقي او معاشي استحکام لپاره ضروري ده چې ملک کښې مکمل امن وي او د لپاره پاک فوج قربانۍ ورکړي ، کومې به چې چرې هم نۀ ضائع کيږي ، مونږ دوه زره اتلسم کښې هم ملک کښې امن قائم کړې وو ۔
وزيراعظم اووئيل چې دهشت ګردو مکمل خاتمې پورې به په آرام سره نۀ کښينو، او پاکستان کښې يو دهشت ګرد هم نشي پاتي کيدي ۔
