اولني ټي ټوينټي ميچ کښې پاکستان په شپږ وکټو سري لنکا ته شکست ورکړې او د درې ميچونو سيريز کښې ئې يو صفر سره برتري ترلاسه کړيده، د سري لنکا د يو سل، نهه ويشت رنز هدف قامي ټيم څلور وکټو په زيان اوولسم اوور کښې پورا کړې، شاندار آل راؤنډ کارکردګۍ باندې شاداب خان د ميچ بهترين لوبغاړې ګرځولې شويدې ۔
د سري لنکا په ډمبولا رکټ سټيډيم کښې لوبيدلې د ټي ټوينټي سيريز اولني ميچ کښې پاکستان ټاس ګټلو نه پس پخپله د فيلډنګ فيصله کړې وه ۔
د کوربه ټيم ټول لوبغاړي آخري اوور کښې يوسل، اتۀ ويشت رنز باندې آؤټ شوې، چې پکښې ټولو نه زيات جے ليانګا څلويښت ، هسا رنګا او اسالنکا اتلس، اتلس رنز جوړ کړي وو ۔
پاکستان طرف نه سلمان مرزا او ابرار احمد درې، درې، محمد وسيم او شاداب خان دوه، دوه وکتې په خپل نوم کړېدي ۔
د يوسل، نهه ويشت رنز هدف قامي ټيم اوولسم اوور کښې څلور وکټو په زيان پورا کړې او ميچ ګټلو سره سيريز کښې ئې هم يو صفر سره برتري ترلاسه کړېده ۔
پاکستان طر ف نه صاحبزاده فرحان يو پنځوس صائم ايوب څليريشت، سلمان آغا شپاړس او فخرزمان په پنځه رنز آؤټ شويدي ،شاداب خان په اتلس او عثمان خان په اووۀ رنز ناټ آؤټ پاتې شويدي ۔
سري لنکا طرف نه تهيکشانه، چميرا، هسارنګا او ډې سلوا يو، يو وکټ په خپل نوم کړېدي ۔
قامي ټيم د درې ميچونو سيريز کښې يو صفر سره برتري ترلاسه کړې، د سيريز دوئم ميچ به جمعې په ورځ ډمبولا سټيډيم کښې لوبيږي ۔
