پاکستان اولني ټيسټ ميچ کښې جنوبي افريقې ته په درې نوي رنز شکست ورکړې، د پاکستان دوه سوه اووۀ اوويا رنز هدف په جواب کښې جنوبي افريقه په يو سل درې اتيا رنز آؤټ شويدې، ټيسټ ميچ کښې لس وکټې ترلاسه کولو باندې نعمان علي پليئر آف دي ميچ ګرځولې شويدې ۔
قذافي سټيډيم لاهور کښې اولنې ټيسټ ميچ په څلورمه ورځ د پاکستاني باؤلرانو په وړاندې د جنوبي افريقې ټيم د شګو ديوال ثابت شوې او ټول ټيم په يو سل درې اتيا رنز آؤټ شوې دې ۔
پاکستان لخوا دويم اننګز کښې نعمان علي او شاهين آفريدي څلور، څلور وکټې ترلاسه کړي، ساجد خان دوه وکټې په خپل نوم کړيدي ۔
جنوبي افريقې ډيوالډ بريويس څلور پنځوست رنز سره ټولو نه زيات رنز جوړ کړي دي ۔
د پاکستان اولنې اننګز سکور درې سوه اتۀ اوويا رنز په جواب کښې جنوبي افريقې ټيم دوه سوه نهه اوويا رنز باندې آؤټ شوې وو، او دا شان پاکستان ته اولني اننګز کښې د يو سل نهه رنز برتري هم ميلاؤ شوې وه ۔
پاکستان خپل دويم اننګز کښې يوسل اووۀ شپيته رنز جوړ کړي وؤ او ميلما ټيم ته ئې د ګټې لپاره دوه سوه اووۀ اوويا رنز هدف ورکړې وو ۔
دوانړه اننګز کښې نعمان علي لس وکټې ترلاسه کړي، ساجد خان پنځه او شاهين آفريدي څلور وکټې ترلاسه کړي، نعمان علي ته پۀ شاندار باؤلنګ پليئر آف دي ميچ ايوارډ ورکړې شوې ۔
