د پاکستان او جنوبي افريقې ترمينځ دوئم او آخري ټيسټ ميچ سبا نه کيپ ټاؤن کښې شروع کيږي، میچ به پاکستاني وخت مطابق ماسپخين يوه نيمه بجه شروع کيږي ۔
سنچورين کښې لوبيدلې اولني ميچ کښې د سنسني خيز مقابلې نه پس جنوبي اوفريقې په دوه وکټو قامي ټيم ته ماتې ورکړې وه، او سيريز کښې ئې يو صفر سره برتري ترلاسه کړې وه ۔
د دواړو ټيمونو لوبغاړو کيپ ټاؤن ګراؤنډ کښې د باؤلنګ، بيټنګ او فيلډڼګ پريکټس هم کړې او دوئم ټيسټ ميچ لپاره ئې ځانونه مکمل تيار کړيدي ۔
بلخوا آئي سي سي د ټيسټ لوبغاړو تازه رينکنګ جاري کړې چې پکښې بېټرز کښې د انګلينډ جو روټ په اول نمبر برقرار دې، د انګلينډ هيري بروک په دوئم او د نيوزي لينډ ويليم سن په دريم نمبر دې ۔
باؤلرز کښې د بهارت بومرا په اول نمبر ، د آسټريليا هيزل ووډ په دوئم او د آسټريليا کپتان پېټ کمنز په دريم نمبر موجود دې ۔
